Antıkor taratqan aqparat boıynsha 1983 jyly týǵan Qazaqstan azamaty Efendı Kemal abaqtyda jatqan Satybaldynyń asa senimdi adamy sanalady. Ol Satybaldyǵa qarasty birqatar komersıalyq kásiporyndardyń quryltaıshysy jáne dırektory.
Efendıdiń qylmystyq róli keden salasyndaǵy máselelerdi sheshý, qylmystyq jolmen alynǵan aqshany jáne basqa da múlikti zańdastyrý (jylystatý) bolǵan.
Ol úshin oǵan Q. Satybaldyuly shottan aqsha alýǵa senimhat bergen.
Mysaly, Efendıdiń bir epızody boıynsha ǵana 2018 jyldyń shildesi men tamyz aıynyń 3 kún ishinde Q.Satybaldyulynyń jeke shotynan qolma-qol 37 mlrd. teńge jáne 62 mln. aqsha alǵan.
Agenttiktiń dereginshe Efendı bıylǵy jyldyń aqpan aıynan bastap Qazaqstannan tys jerlerde jasyrynyp, qylmystyq qýdalaý organyna kelýden jaltaryp júr.
Onyń quqyqqa qarsy áreketteri QR Qylmystyq kodeksiniń 218-babynyń 3-bóligi 3-tarmaǵy boıynsha saralanyp, izdeý jarıalanǵan.
"Al Q.Satybaldyulyna qatysty búdjetke tólenetin basqa da mindetti tólemderdi tóleýden jaltarý, sondaı-aq qylmystyq jolmen alynǵan aqshany jáne ózge de múlikti zańdastyrý (jylystatý) faktileri boıynsha sotqa deıingi tergeý jalǵasýda", – deıdi Antıkor.
