Almaty oblysynda bıylǵy jyly qant qyzylshasynyń alqaby 9 myń gektarǵa jetti. Odan 350 myń tonna, ıaǵnı rekordtyq ónim alynady dep josparlanyp otyr. Bul týraly oblys ákimi Amandyq Batalov Ortalyq komýnıkasıalar qyzmetinde ótken brıfıń kezinde aıtty, – dep habarlaıdy Almaty oblysy ákiminiń baspasóz qyzmeti.  

Atap ótsek, Kóksý qant zaýyty úsh jyl qatarynan jańǵyrtýdan ótti, 10 jyl toqtap turǵan Aqsý qant zaýyty bıylǵy jyly qalpyna keltirilip, 40 myń tonnaqant qyzylshasyn qabyldady.«Jetisý» ÁÁK-ni tarta otyryp, 18 servıstik daıyndaý ortalyqtary quryldy. Osynyń barlyǵy qant óndirisine oń yqpal etetin bolady. Zamanaýı aýyl sharýashylyǵy tehnıkalary men elıtalyq tuqym paıdalanýdyń nátıjesinde jekelegen sharýa qojalyqtarynda ónim ár gektarynan 500-700 sentnerge deıin jetýde. Sóıtip, bıylǵy jyldyń ónimi 350 myń tonnany quraıdy dep boljanyp otyr.



– 35 myń tonna qant alsaq, óńirdiń qantqa degen suranysyn tolyq jaba alamyz. Bizdiń maqsatymyz – oblystyń ǵana emes, elimizdiń qantqa degen qajettiligin tolyq qamtamasyz etý, – dedi A. Batalov.

Almaty oblysy ákimi A.Batalovtyń Ortalyq komýnıkasıalar qyzmetindegi brefıngi

 

https://dalanews.kz/31742