Almaty ákimdigi bokstan Liverpýlde ótken álem chempionatynda júldeli oryndarǵa ie bolǵan boksshylardy marapattady, dep habarlaidy Dalanews.kz.
Almaty qalasynyń ákimi Darhan Satybaldynyń qatysýymen megapolis ákimdigi Liverpýlde ótken álem chempionatynda top jarǵan qazaqstandyq qyzdar-boksshylar men olardyń bapkerlerin saltanatty túrde marapattady.
Onyń ishinde, Nazym Qyzaibai 30 million, Alýa Balqybekova 40 million, Viktoriia Grafeeva 20 million jáne ózge de qyzdarǵa aqshalai marapat berildi.
Eske salaiyq, bokstan Qazaqstan ulttyq quramasy álem chempionatynyń jalpykomandalyq esebinde jeńiske jetti.
Qazaqstan quramasy álem chempionatyn jeti altyn medalmen aiaqtady. Birinshi oryn ielengender: Alýa Balqybekova (51 kelige deiin), Sanjar Táshkenbai (50 kelige deiin), Mahmud Sabyrhan (55 kelige deiin), Aida Ábikeeva (65 kelige deiin), Natalia Bogdanova (70 kelige deiin), Tórehan Sabyrhan (70 kelige deiin).
Nazym Qyzaibai (48 kelige deiin) kúmis júldeger atandy. Viktoriia Grafeeva (60 kelige deiin) men Eldana Tálipova (80 keliden joǵary) qola júldemen erekshelendi.
