Qarjylyq monitoring agenttigi Astana qalasy boiynsha departamenti «Happy Life KZ» qarjylyq piramidanyń áreketin toqtatty, dep habarlaidy Dalanews.kz.
Kúdikti 2016 jyldan 2024 jylǵa deiin biologiialyq belsendi qospalardy satamyn degen jeleýmen salymshylardy tartyp, olarǵa ár jańa qatysýshy úshin 10%-dan 300%-ǵa deiin tabys ýáde etkeni anyqtaldy.
Salym somasy marketingtik strategiiaǵa bailanysty 7 500-den 2 million teńgege deiin ózgerip otyrǵan.
Tartylǵan qarajattyń jalpy somasy 286 million teńgeden asqan.
Nátijesinde kúdikti qarjylyq piramidaǵa 35 adamdy tartqan.
Barlyq zardap shekkender – jeńil tabys týraly qurǵaq ýádege senip qalǵan zeinetkerler ekenin atap ótý kerek, olar óz jinaqtarynyń basqa salymshylar arasynda aqsha bólý shemasynyń bir bóligine ainalatynyn sezbegen.
Qarjylyq tergeý júrgizý barysynda kúdikti zańsyz jolmen alynǵan qarajatqa elitalyq turǵyn úi kesheninen 36 million teńge turatyn páter satyp alǵany anyqtaldy.
Sottyń sanktsiiasymen atalǵan páterge tyiym salyndy.
Sot kúdiktige «eshqaida ketpeý jáne tiisti minez-qulqy týraly qolhat» túrindegi bultartpaý sharasyn tańdady.
Sotqa deiingi tergeý jalǵasýda.
QR QIJK-niń 201-baby boiynsha, tergeý múddesi úshin ózge aqparat jariialaýǵa jatpaidy.
