Qazaqstan polısıasy kúnine arnalǵan «Polısıa – El qorǵany» festıvaline baılanysty 27 maýsym kúni saǵat 19:00-den 23:00-ge deıin Respýblıka saraıyna irgeles aýmaqta kólik qozǵalysyna jartylaı shekteý qoıylady,- dep habarlaıdy Dalanews.kz
Shekteýler qoldanylady:
- Dostyq dańǵyly boıymen – Qurmanǵazy kóshesinen Sátbaev kóshesine deıin (eki baǵytta);
- Abaı dańǵyly boıymen – Dostyq dańǵylynan Nazarbaev dańǵylyna deıin (eki baǵytta).
Festıválge kelgen qonaqtardyń sanyn eskere otyryp, qoǵamdyq qaýipsizdikti qamtamasyz etý maqsatynda jol qozǵalysy rettelmek.
Polısıa departamenti júrgizýshilerden óz baǵytyn aldyn ala josparlaýdy jáne ýaqytsha sharalarǵa túsinistikpen qaraýdy suraıdy.
Qala turǵyndary men qonaqtary tehnologıa demonstrasıasyn, dron shoýyn, qazaqstandyq juldyzdardyń ónerin jáne naǵyz qaýipsizdik merekesin tamashalaı alady.
