2026 jylǵy 26 maýsymǵa belgilengen ádemi dataǵa neke qiiýdy memlekettik tirkeý úshin ótinish qabyldaý 11 maýsymda aiaqtaldy, dep habarlaidy dalanews.kz.
Dástúr boiynsha sandardyń erekshe úilesimi bar kúnder bolashaq jas jubailar arasynda joǵary suranysqa ie. Biyl da bul úrdis saqtalyp, qazaqstandyqtar 26.06.2026 kúnin neke qiiý rásimi úshin jii tańdaǵan.
Ótinish sany boiynsha Almaty qalasy kósh bastady. Munda 830 jup neke qiiýǵa ótinish bergen. Ekinshi orynda Astana qalasy tur – elorda turǵyndarynan 740 ótinish qabyldanǵan.
Al Shymkent qalasynda 141 jup dál osy kúni nekesin qiiýǵa niet bildirgen.
Mamandardyń aitýynsha, erekshe datalar jastar arasynda jyl saiyn tanymal bolyp keledi. Kópshilik mundai kúnderdi este saqtaýǵa ońai ári simvolikalyq máni bar data retinde tańdaidy.
