Bas prokýratýra zańsyz ıemdenilgen aktıvterdi memleketke qaıtarý jumystaryn jalǵastyryp jatyr, - dep habarlaıdy Dalanews.kz.

Premer-mınıstrdiń tóraǵalyǵymen ótken arnaıy komısıa sońǵy otyrysynyń qorytyndysy boıynsha 24 mlrd teńgeniń aktıvteri memleketke qaıtaryldy.

"Aktıvterdi qaıtarý jónindegi komıtet arnaıy memlekettik qordy 2,2 mlrd teńgege tolyqtyrdy", - dep jazylǵan habarlamada.

Memleket basshysynyń tapsyrmasyna sáıkes bul qarajat eldegi sý tasqynynyń saldaryn joıýǵa baǵyttaldy.

Sonymen qatar, beıindi zańnyń maqsattaryna sáıkes keleshekte óndiriletin qarajat ta zardap shekken óńirlerdiń áleýmettik jobalaryna baǵyttalady.

Aıta keteıik, buǵan deıin de jalpy kólemi 85 mlrd teńgeden asatyn zańsyz ıemdenilgen aktıvterdi qaıtarý týraly birqatar kelisim maquldandy.

Memleketke qaıtarý josparlanyp otyrǵan aktıvterdiń qatarynda Qazaqstandaǵy jáne sheteldegi turǵyn úıler, ákimshilik ǵımarattar, aqshalaı qarajat, kompanıalardaǵy úlester, qymbat zergerlik buıymdar, 10 myń gektardan astam jer bar ekeni habarlandy.