2035 jyly Astana qandai bolady? Elordanyń bas jospary bekitildi
QR Úkimeti baspasóz qyzmetiniń habarlaýynsha, Memleket basshysy Qasym-Jomart Toqaevtyń tapsyrmasy boiynsha ázirlengen Astananyń negizgi qala qurylysy qujaty qoǵamda keńinen talqylaýdan ótti. Onda halyq sanynyń qarqyndy ósýin eskere otyryp, qalany qarqyndy damytý sharalary qarastyrylǵan. Búgingi tańda elorda turǵyndarynyń sany shamamen 1,2 mln adamdy quraidy, 2035 jylǵa qarai atalǵan kórsetkish 2,3 mln adamǵa jetedi dep kútilýde.
Bas josparda 164 mektep, 178 balabaqsha jáne 93 densaýlyq saqtaý mekemesiniń qurylysy qarastyrylǵan. 2029 jylǵa deiin 15 zamanaýi oqýshylar saraiy salynady. Munyń barlyǵy jergilikti biýdjet pen jeke investitsiialar esebinen qarjylandyrylady.
Elordanyń turǵyn úi qoryn 68,2 mln m2-qa deiin, al jol jelisiniń uzyndyǵyn 1000 km-ge 2,5 myń shaqyrymǵa deiin ulǵaitý josparlanyp otyr. Qoǵamdyq kóliktiń balamaly túrlerin damytyp, negizgi magistraldarda, ásirese Esil aýdanynda keptelisterdi jeńildetý úshin bes iri kópir salý josparlanǵan.
Sý tutyný kóleminiń ósýin eskere otyryp, Ertis-Qaraǵandy kanalynan tartylatyn sý qubyrymen táýligine 210 myń tekshe metrge №4 sorǵy-súzgi stansasy salynady. Bul rette tehnikalyq sýmen qamtamasyz etý úshin óndiristik qýaty táýligine 160 myń tekshe metrge deiin jetetin «Telman» sorǵy stansasyn keńeitý kózdelgen.
Jylý jáne elektr energiiasy boiynsha 3-JEO-nyń ekinshi kezegin, tórt jańa gaz jylý stansasyn salý jáne 2-JEO-ny keńeitý, sondai-aq 110/10 kV 14 qosalqy stansany iske qosý josparlanǵan.
Gazben jabdyqtaý máselelerin sheshý úshin qoldanystaǵy AGTS-1 jáne AGTS-2 avtomattandyrylǵan gaz taratý stansalarynyń qýaty ulǵaitylady, sondai-aq uzyndyǵy 71 myń shaqyrymnan asatyn jańa tarmaq boiynsha «Saryarqa» magistraldyq gaz qubyryna qosylatyn AGTS-3 salyndy.
Sonymen qatar ótken jyly qosymsha 2 700 gektar jer bólingen Astananyń «jasyl beldeýin» damytý jalǵasady, onda, sondai-aq qoǵamdyq jáne aýla aýmaqtaryn abattandyrý sharalary qabyldanady.
2025 jylǵa deiingi bas jospardy iske asyrýǵa barlyq qarjy kózderinen tartylǵan investitsiia kólemi 6,3 trln teńgeni quraidy. Onyń 4,3 trln teńgesi turǵyn úi qurylysyna jeke investitsiialar, 700 mlrd teńgesi infraqurylymdyq jobalarǵa tiesili.
Foto: Advantour
