2029 jylǵa qarai elordanyń jalǵyz qoqys poligony tolyqtai tolady. Bul týraly Astana qalasy boiynsha qorshaǵan ortany qorǵaý jáne tabiǵatty paidalaný basqarmasynyń basshysy Daýlet Dosqulov máslihat otyrysynda aitty, dep habarlaidy Dalanews.kz.
Vedomstvo jetekshisiniń sózinshe, sońǵy jyldary turmystyq qaldyqtardyń kólemi kúrt ósip otyr.
"2023-2024 jyldary shamamen 550 myń tonna qoqys shyǵaryldy. 2025 jyldyń sońyna qarai bul kórsetkish 600 myń tonnadan asady dep kútilýde. Buǵan halyq sanynyń artýy jáne turǵyn úi qurylysynyń qarqyndy júrýi sebep bolyp otyr", – dedi Dosqulov.
Onyń aitýynsha, qaldyqtardy bólek jinaý máselesi de ózekti kúiinde qalyp otyr. Qazirgi tańda bul júiemen halyqtyń 40%-dan az bóligi ǵana qamtylǵan.
"Plastik, áinek pen qaǵazdyń tamaq qaldyqtarymen aralasýy olardyń qaita óńdelýin múmkin emes etedi. Buǵan infraqurylymnyń jetkiliksizdigi, ekologiialyq mádeniettiń tómendigi jáne yntalandyrýdyń joqtyǵy sebep", – dedi basqarma basshysy.
2024 jyly elordada jinalǵan qoqystyń tek 17%-y ǵana suryptalyp, qaita óńdeýge jiberilgen. Al qazir qoldanystaǵy ekinshi uiashyq tolyp qalǵan, al úshinshi uiashyqtyń resýrstary qazirgi qarqynmen 2028-2029 jyldary tolyq sarqylady.
"Bul ekologiiaǵa aitarlyqtai qaýip tóndiredi. Sebebi qaldyqtardy suryptaityn zaýyttyń jabdyqtary eskirgen, qýaty jetkiliksiz. Sonymen qatar zamanaýi tehnologiia men investitsiianyń joqtyǵy, biznes pen halyqtyń belsendiliginiń tómendigi de jaǵdaidy ýshyqtyryp otyr", – dedi Dosqulov.
