2027 jyldyń 1 qańtarynan bastap Qazaqstanda birqatar áleýmettik tólemder men eseptik kórsetkishterdiń mólsherin ózgertý josparlanyp otyr. Bul týraly qoǵamdyq talqylaýǵa shyǵarylǵan «2027–2029 jyldarǵa arnalǵan respýblikalyq biýdjet týraly» zań jobasynda aitylǵan, dep habarlaidy dalanews.kz.
Qujatqa sáikes, kelesi jyly ailyq eseptik kórsetkish (AEK) 4 693 teńgeni quraidy. Al kúnkóris deńgeiiniń shamasy 55 173 teńgege deiin ósedi.
Sondai-aq eń tómengi zeinetaqy mólsheri 74 919 teńge, al eń tómengi memlekettik bazalyq zeinetaqy tólemi 38 622 teńge bolyp belgilenbek.
Salystyrý úshin, 2026 jyly Qazaqstanda mynadai kórsetkishter qoldanysta:
- eń tómengi jalaqy (ETJ) – 85 000 teńge;
- eń tómengi memlekettik bazalyq zeinetaqy tólemi – 35 596 teńge;
- eń tómengi zeinetaqy mólsheri – 69 049 teńge;
- ailyq eseptik kórsetkish (AEK) – 4 325 teńge;
- bazalyq áleýmettik tólemderdi esepteýge arnalǵan kúnkóris deńgeii – 50 851 teńge.
Zań jobasyna sáikes, 2027 jyly eń tómengi jalaqy mólsheri ózgerissiz qalyp, 85 000 teńge deńgeiinde saqtalady.
Sonymen qatar biýdjette jasyna bailanysty jáne eńbek sińirgen jyldary úshin tólenetin zeinetaqy tólemderin 2027 jylǵy 1 qańtardan bastap 8,5 paiyzǵa arttyrýǵa qarajat qarastyrylǵan.
Aita keteiik, zań jobasy «Ashyq NQA» portalynda jariialanǵan. Qujatty qoǵamdyq talqylaý 5 qyrkúiekke deiin jalǵasady.
