Energetika ministrliginiń málimetinshe, 2027 jyldyń birinshi toqsanynyń sońyna qarai Qazaqstan ekonomikasynyń elektr energiiasyna degen ishki qajettiligi tolyq qamtamasyz etiledi. Al 2029 jylǵa qarai elde turaqty profitsit qalyptasyp, elektr qýatyn eksporttaý múmkindigi paida bolýy múmkin, dep habarlaidy Dalanews.kz.
Qazir Qazaqstannyń energojúiesinde 241 elektr óndirý kózi bar. Onyń 162-si jańartylatyn energiia kózderine jatady. Jalpy ornatylǵan qýat kólemi 26,7 GVt-qa jetken.
Aldaǵy jyldary energetika salasynda aýqymdy jobalar iske asyrylady. Josparǵa sáikes, qosymsha 26 GVt-tan astam jańa qýat iske qosylady. Bul qatarǵa qoldanystaǵy stantsiialardy jańǵyrtý, dástúrli generatsiia nysandaryn salý, jańartylatyn energiia jobalary jáne atom elektr stantsiiasynyń qurylysy kiredi.
