2026 jyldyń jazy kúshti korporativtik eseptermen, qazaqstandyq ekonomikanyń negizgi sektorlaryndaǵy tarifterdiń ósýimen jáne jahandyq naryqtardaǵy jasandy intellekt tóńiregindegi jalǵasyp jatqan infraqurylymdyq býmmen ushtasýda. Freedom Broker sarapshylary joǵary dividendtik kirisi bar qazaqstandyq emitentterden bastap tehnologiialyq jáne energetikalyq sektorlardyń álemdik kóshbasshylaryna deiingi osy maýsymnyń investitsiialyq ideialar jinaǵyn daiyndady, dep habarlaidy dalanews.kz.
Qazaqstan naryǵy
Daniiar Orazbaev, Freedom Finance Global taldaýshysy
Qazaqstan kompaniialary jaz maýsymyna birinshi toqsannyń ártúrli nátije kórsetken qarjylyq qorytyndylarymen qadam basyp otyr. Kompaniialardyń túsimi negizinen ósip keledi, alaida birqatar kompaniianyń taza paidasy ótken jylmen salystyrǵanda tómendegenin kórsetti. Sondai-aq jazdyń taǵy bir ereksheligi - áli tolyq aiaqtalmaǵan dividendter maýsymy. Osy oraida sarapshylar táýekel men yqtimal kiristiliktiń tartymdy araqatynasyna ie birneshe ideiany erekshe atap ótedi.
Jazdaǵy kóshbasshylar
• AO KEGOC (KEGC): KEGOC birinshi toqsannyń qorytyndysy boiynsha kúshti esep berip, túsimniń ótken jyldyń sáikes kezeńimen salystyrǵanda (j/j) 44%-ǵa óskenin kórsetti. Buǵan qosa, marjinaldylyqtyń barlyq kórsetkishteri jaqsardy, al kompaniianyń taza paidasy 2025 jylmen salystyrǵanda 80%-ǵa ósti. Mundai ósim tarifterdiń kóterilýi arqasynda múmkin boldy. Kompaniianyń 2026 jyldyń mamyry men qyrkúiegi aralyǵyndaǵy tarifti bizdiń kútkenimizden de joǵary deńgeige arttyrǵanyn atap ótemiz. Negizgi táýekel retinde aldaǵy jyldardaǵy iri kúrdeli salymdar men aitarlyqtai ósimdi kórsetpeýi múmkin jańa bes jyldyq tariftik kesteniń bekitilýi qalyp otyr.
• «QazTransOil» AQ (KZTO): munai tasymaldaý kompaniiasynyń aktsiialary jaqyn aradaǵy túzetýden keiin qaita qalpyna kelý úrdisin kórsetip jatyr. Kompaniia 2025 jyldyń qorytyndysy boiynsha jaqsy esep berdi jáne biylǵy jyly dividendterdi bir aktsiiaǵa shaqqanda 118 teńgege deiin (+37%) arttyra aldy, osylaisha sońǵy 5 jylda alǵash ret úsh tańbaly deńgeige qaita oraldy. Sonymen qatar ekinshi jartyjyldyqtan bastap munai eksportyna arnalǵan tariftiń 10,6%-ǵa óskenin atap ótemiz, bul qarjylyq kórsetkishterdi aitarlyqtai jaqsartýy tiis. Ekinshi jaǵynan, aktsiialar jazda dividendter kezeńi aiaqtalǵannan keiin kóbine beitarap dinamika kórsetedi, bul joly ol 3 maýsymda ótedi. Degenmen, bul úrdis árdaiym qaitalana bermeidi jáne eger kompaniianyń qarjylyq kórsetkishteri odan ári jaqsarýyn jalǵastyrsa, onda jańa ósim tolqynyn kórýimiz múmkin.
• «Altyngold PLC» (ALTN): LSE jáne KASE birjalarynda saýdalanatyn altyn óndirýshi kompaniia baiytý fabrikasynyń tolyq operatsiialyq qýatyna shyǵa otyryp, 2025 jyldyń qorytyndysy boiynsha jaqsy esep berdi. Kompaniia ótken jyly rekordtyq 53 myń ýntsiia altyn óndire aldy, bul basshylyqtyń buǵan deiingi 50 myń ýntsiia deńgeiindegi kútiliminen joǵary. Altyn baǵasy joǵary deńgeide qalýyn jalǵastyrýda, al kompaniianyń jańa jobalary (fabrikany keńeitý jáne Tereńsai ken ornyn igerý) baǵaǵa qosymsha qoldaý kórsetýi múmkin. Ekinshi jaǵynan, álemdegi mólsherlemelerdiń ósýi aiasynda altyn baǵasynyń tómendeý táýekeli, sondai-aq dollardyń teńgege shaqqandaǵy aiyrbas baǵamynyń tómen bolý táýekeli bar, bul altyndy dollarmen satatyn kompaniianyń marjasyn taryltady.
Áleýeti eń joǵary kompaniialar
• Altyngold PLC (ALTN): 37% (Altynnyń joǵary baǵasy jáne altyn óndirý boiynsha jobalyq qýatqa shyǵý, bolashaqtaǵy keńeitý jobalary).
• AO KEGOC (KEGC): 57% (túsim men paida ósiminiń jalǵasýy jáne kompaniianyń jalpy tómen baǵalanýy).
• Halyq banki AQ (HSBK): 18% (paiyzdyq kirister ósiminiń jalǵasýy, joǵary dividendtik kiristilik jáne kompaniianyń jalpy tómen baǵalanýy).
Jaz qarsańyndaǵy (1-toqsan qorytyndysy boiynsha) qazaqstandyq kompaniialardyń eseptiligi men dividendterine qatysty negizgi málimetter:
Iri jariia qazaqstandyq kompaniialardyń shamamen jartysy 2025 jyldyń 1-toqsanynyń qorytyndysy boiynsha áli esep bermedi. Degenmen, esep bergenderdiń ishinen tarifterdiń ósýi aiasynda túsimi men taza paidasynyń aitarlyqtai óskenin kórsetip, jańa rekordtarǵa qol jetkizgen KEGOC-ty erekshe atap ótemiz. Sondai-aq Halyq Banki, BTsK jáne Kaspi.kz siiaqty iri bankterdiń esepterin de atap ótken jón. Úsh bank te eń tómengi rezervtik talaptardyń artýy, joǵary bazalyq mólsherleme jáne osyǵan bailanysty paiyzdyq shyǵyndardyń ósýi aiasynda taza paidanyń kútilgendei tómendegenin kórsetti. Birinshi toqsanda Halyq Bankiniń taza paidasy ótken jylmen salystyrǵanda 15%-ǵa, BTsK-da 25%-ǵa, al Kaspi.kz-te tek 1%-ǵa ǵana tómendedi. Sondai-aq Air Astana da esep berdi, onyń esebin qalypty-teris dep baǵalaýǵa bolady. Túsimniń ósýine qaramastan, kompaniia ushaqtardyń bos turyp qalýy jáne Pratt & Whitney qozǵaltqyshtaryna qatysty máselelerdiń jalǵasýy saldarynan shyǵyndar ósiminiń áldeqaida joǵary qarqynyn kórsetti. Kompaniia munai baǵasynyń ósýinen ázirge zardap shekken joq, óitkeni birinshi toqsanda sheteldik otyn áldeqaida tómen baǵamen hedjirlengen bolatyn. Degenmen, jylnyń ekinshi jartysynda hedj joq jáne munai baǵasy osy kúiinde saqtalǵan jaǵdaida, kompaniiaǵa shyǵyndardyń artýymen betpe-bet kelýge týra keledi. Qazaqstandyq kompaniialar dástúr boiynsha dividendterdi kóktemniń sońynda, jazdyń basynda tóleidi. KASE indeksindegi kompaniialardyń kópshiligi dividend tóleýdi josparlap otyr (BTsK men Kselldi qospaǵanda) jáne bekitilgen/usynylǵan dividendterdiń kólemi belgili bolyp úlgerdi. Dividendtik tizilimdi bekitý merzimderi KEGOC, Halyq Banki jáne Qazaqtelekom boiynsha ótip ketti, biraq QazMunaiGaz, Qazatomónerkásip, Kaspi.kz, QazTransOil jáne Air Astana dividendterine áli úlgerýge bolady.
Jahandyq investitsiialyq múmkindikter
Eldar Shakenov, Freedom Finance Global taldaýshysy
Derekter 20.05.2026 jaǵdaiy boiynsha kórsetilgen.
Usynylyp otyrǵan tańdalym - bul taiaý jyldardaǵy negizgi qurylymdyq trendterge baǵyttalǵan teńgerimdi investitsiialyq qorjyn. Ol trendterge: JI infraqurylymyn aýqymdaý, energiia tutynýdyń ósýi, tsifrlyq infraqurylymdy damytý, demografiialyq ózgerister, sondai-aq qorǵanys sektorlaryndaǵy turaqty suranys pen kúshti aqsha aǵyny bar kompaniialardyń tartymdylyǵy jatady. Portfelge JI men data-ortalyqtarǵa kúrdeli salymdardyń jedeldeýinen utatyn ósim kompaniialary da, turaqty dividendtik kiristiligi bar qorǵanys sipatyndaǵy kompaniialar da engizilgen. Mundai kombinatsiia telekommýnikatsiia, tutynýshylyq, farmatsevtika, energetika jáne infraqurylym sektorlarynyń sapaly ókilderi esebinen volatildilikti tómendete otyryp, sonymen birge uzaq merzimdi tehnologiialyq draiverlerge qatysýǵa múmkindik beredi. Negizgi ideia - paidanyń ozyq ósim áleýetin makroekonomikalyq koniýnktýranyń ózgeristerine tózimdilikpen ushtastyratyn diversifikatsiialanǵan aktsiialar jiyntyǵyn qalyptastyrý.
Keste
- Micron Technology, Inc. (MU)
Micron JI-diń infraqurylymdyq tsiklindegi eń kúshti tańdaýlardyń biri bolyp qala berýde: JI-serverlerine arnalǵan HBM-jady, DRAM jáne NAND-qa degen suranys usynystan ozyp keledi. Sońǵy toqsanda kompaniia rekordtyq túsim, paida jáne bos aqsha aǵynyn kórsetti, al kelesi toqsanǵa arnalǵan boljam naryq kútkennen taǵy de joǵary boldy. Negizgi draiverler - NVIDIA údetkishteri úshin HBM4 jetkizilimin aýqymdaý jáne klienttermen jasalǵan uzaq merzimdi kelisimsharttar. DRAM/NAND tapshylyǵy kem degende 2026 jyldyń sońyna deiin kútilýde, bul marjanyń aldaǵy ýaqytta odan ári keńeiýin qoldaidy.
- Alphabet Inc. (GOOGL)
Alphabet turaqty jarnama biznesin, Google Cloud-tyń jyldam ósimin jáne Gemini júiesiniń aýqymdy integratsiiasyn ózara ushtastyryp otyr. Sońǵy esep bultty segmenttiń jedeldegenin jáne Search pen YouTube-tiń kúshti dinamikasyn rastady. Biznes pen tutynýshylar úshin JI-servisterine degen korporativtik suranystyń ósýi jáne Gemini-di monetizatsiialaý negizgi katalizatorlar bolyp qala beredi.
- Corning Incorporated (GLW)
Corning talshyqty-optikalyq sheshimderge degen suranystyń arqasynda JI-data-ortalyqtary ósiminiń negizgi benefitsiaryna ainalýda. Iri tehnologiialyq kompaniialar optika satyp alý kólemin arttyryp jatyr, bul Optical Communications segmentiniń damýyn jedeldetedi. Esepteý infraqurylymynyń aldaǵy ýaqytta odan ári keńeiýi suranys ósiminiń kópjyldyq tsiklin qalyptastyrady.
- GE Vernova Inc. (GEV)
GEV - JI men data-ortalyqtar tarapynan elektr energiiasyna degen álemdik suranys ósiminiń eń aiqyn tańdaýlarynyń biri. Kompaniia gaz týrbinalary men elektr jelisi jabdyqtary segmentterinde tapsyrystar qorjynynyń kúshti ósimin kórsetip otyr. Qosymsha draiver - energiia júielerin jańǵyrtýǵa baǵyttalǵan aýqymdy investitsiialar.
- ConocoPhillips (COP)
ConocoPhillips munai-gaz sektoryndaǵy sapaly uzaq merzimdi tańdaý bolyp qala beredi: buǵan myqty resýrstyq baza, joǵary bos aqsha aǵyny jáne aktsionerlerge kapitaldy tártippen qaitarý tán. Kompaniia LNG baǵytyn damytyp, Alaska LNG jobasyndaǵy qatysýyn keńeitýde. Álemdik naryqta LNG-ge suranystyń artýy, Permian jáne Alaska ken oryndarynda óndiristiń ulǵaiýy, buyback jáne dividendter negizgi katalizatorlar bolyp qala beredi.
- Welltower Inc. (WELL)
Welltower - AQSh halqynyń qartaiýynyń demografiialyq trendine jasalǵan eń úzdik tańdaýlardyń biri. Kompaniia sektordaǵy shekteýli usynystar aiasynda taza operatsiialyq paidanyń (NOI) jedel ósýin jáne nysandardyń tolý deńgeiiniń artqanyn kórsetip otyr. Negizgi draiver - baby boomers býynynyń qartaiýy jaǵdaiynda qart adamdarǵa arnalǵan sapaly infraqurylymnyń qurylymdyq tapshylyǵy.
- Verizon Communications Inc. (VZ)
Verizon abonenttik dinamikanyń jaqsarýy jáne shyǵyndardy ońtailandyrý arqasynda turaqty ósimge qaita oralýda. Sońǵy esep postpaid-segmentiniń turaqtanǵanyn jáne kúshti bos aqsha aǵynyn kórsetti. Kompaniia joǵary dividendtik kiristiligi men biznesiniń qorǵanys sipatynyń arqasynda mólsherlemelerdiń tómendeýinen utatyn yqtimal benefitsiar bolyp kórinedi.
- Eli Lilly and Company (LLY)
Eli Lilly semizdik pen diabetke qarsy preparattardyń jedel ósýi esebinen álemdik farmatsevtika sektorynda kósh bastap tur. Mounjaro jáne Zepbound ónimderiniń satylymy kútilgen nátijelerden asyp túsýin jalǵastyrýda. Bolashaqtaǵy negizgi katalizator - GLP-1 terapiiasy naryǵyn aitarlyqtai keńeitýge qabiletti, ishýge arnalǵan orforglipron preparaty bolýy múmkin.
- Costco Wholesale Corporation (COST)
Costco múshelik modeli men klientteriniń joǵary adaldyǵy arqasynda tutynýshylyq sektordaǵy eń turaqty kompaniialardyń biri bolyp qala berýde. Sońǵy nátijeler tutynýshylarǵa qysym jasalǵan jaǵdaidyń ózinde de salystyrmaly satylymdar men trafiktiń óskenin rastady. Jeliniń keńeiýi, onlain-satylymdardyń ósýi jáne múshelik qunynyń yqtimal artýy negizgi katalizatorlar bolyp qala beredi.
- The Southern Company (SO)
Southern Company data-ortalyqtar men JI-infraqurylymy tarapynan elektr energiiasyn tutynýdyń qarqyndy ósýinen utyp otyr. Vogtle 3 jáne 4 bloktarynyń aiaqtalýy generatsiialaý qýattaryn kúsheitedi, al retteletin aktivter bazasynyń keńeiýi kópjyldyq ósim tsiklin qalyptastyrady. SO kompaniiasy elektr energetikasynyń qorǵanys sipatyn JI men ekonomikany elektrlendirýden keletin jańa qurylymdyq draivermen ózara ushtastyrady.
