Eńbek jáne halyqty áleýmettik qorǵaý ministri Svetlana Jaqypova Qazaqstanda zeinetaqy men áleýmettik tólemder qalai ósetinin aitty, dep habarlaidy Dalanews.kz.
Ministrdiń aitýynsha, 2026 jylǵa arnalǵan biýdjette bul maqsatqa 622 milliard teńgeden asa qarajat bólinbek. Zeinetaqy men járdemaqylardy 10 paiyzǵa deiin arttyrý kózdelip otyr. Bul kórsetkish qazirgi boljamdy infliatsiia deńgeiine (10,5%) sai keledi.
"Barlyq zeinetaqy túri ósedi: yntymaqty jáne bazalyq zeinetaqy. Sonymen qatar, múgedektik boiynsha tólemder, múmkindigi shekteýli jandar men balalarǵa, sondai-aq, olarǵa kútim jasaityn ata-analarǵa beriletin járdemaqylar, asyraýshysynan aiyrylý jaǵdaiyndaǵy tólemder de artady. Negizgi bazalyq kórsetkishterdiń bári ósedi", – dedi Svetlana Jaqypova.
Ministrdiń aitýynsha, bul ózgerister 2026 jyldyń 1 qańtarynan bastap kúshine enedi.
Aita keteiik, buǵan deiin de Qazaqstanda zeinetaqy men áleýmettik tólemder artatyny jariialanǵan. Bul týraly Senatta premer-ministrdiń orynbasary - ulttyq ekonomika ministri Serik Jumanǵarin málimdegen bolatyn. Onyń aitýynsha, bul sharalar salyq boiynsha ózgerister men infliatsiia jaǵdaiynda azamattardyń osal toptaryn qorǵaýǵa baǵyttalǵan.
