Astanada jańa Salyq kodeksin túsindirý seminary ótip jatyr, dep habarlaidy Dalanews.kz.
Kodeks 2026 jylǵy 1 qańtardan bastap kúshine enedi. Is-shara barysynda vitse-premer, ulttyq ekonomika ministri Serik Jumanǵarin arnaiy salyq rejimi – jeńildetilgen deklaratsiia negizinde jumys istei alatyn jáne tyiym salynǵan qyzmet túrlerin túsindirdi.
Ruqsat etiletin qyzmet túrler
Vitse-premerdiń aitýynsha, ruqsat etiletin tizimde myna salalar qalady:
-
barlyq bólshek saýda (iri formattaǵy saýdany qospaǵanda);
-
aýyl, orman sharýashylyǵy, akvakýltýra;
-
kreativti indýstriia, mádeniet, sport;
-
tehnikalyq qyzmet kórsetý, kólik jáne qoimalaý, poshta (biznestiń kólemine qarai saralanady);
-
jyljymaityn múlik pen kólikti jalǵa berý (biznestiń deńgeiine qarai saralanady);
-
turmystyq qyzmetter;
-
densaýlyq saqtaý men áleýmettik qyzmetter (jekemenshik kabinetter jáne soǵan uqsas qyzmetter);
-
qurylys jumystary (jumys túrine qarai eki tizimge de kiredi);
-
turǵyn úi qyzmetteri: kempingter, qonaq úiler;
-
qoǵamdyq tamaqtaný: meiramhanalar, dámhanalar jáne jalpy tamaqtaný oryndary;
-
shashtarazdar, sulýlyq salondary;
-
bazarlar, shaǵyn dúkender (olarǵa shekteý qoiylmaidy);
-
mektepke deiingi bilim berý.
"Úlken kompaniialarmen jumys istegisi keletinder jalpyǵa birdei belgilengen salyq rejimine kóshýge tiis bolady", – dedi Jumanǵarin.
Onyń aitýynsha, qazirgi tańda shamamen 1,33 mln biznes sýbektisi ruqsat etilgen qyzmet túrlerine kiredi. Bul – shamamen 318 OKED. Ministr apta sońyna deiin tolyq tizim portalǵa jariialanyp, kásipkerlerden usynystar qabyldanatynyn aitty.
Tyiym salynatyn qyzmet túrleri
Al jeńildetilgen deklaratsiiaǵa kirmeitin, iaǵni tyiym salynǵan qyzmet salalarynyń qatarynda:
-
óńdeý ónerkásibi;
-
kóterme saýda;
-
2 myń sharshy metrden asatyn iri formattaǵy bólshek saýda;
-
jer qoinaýyn paidalaný;
-
qarjy sektory tolyqtai;
-
ǵylymi zertteýler;
-
kólik jáne qoimalaý (saralaýǵa sáikes);
-
telekommýnikatsiia, radio, aqparattyq tehnologiialar;
-
qurylys (keibir qyzmet túrleri);
-
tabiǵi monopoliialar sýbektileri;
-
jalǵa berý jáne lizing;
-
memlekettik basqarý;
-
bilim berý: mektepter men JOO;
-
bizneske arnalǵan qyzmetter jáne ózge de qyzmet túrleri;
-
kommertsiialyq emes uiymdar;
-
meditsina;
-
balyq sharýashylyǵy;
-
qumar oiyndar.
"Bul shamamen 790 qyzmet túrin qamtidy. Biraq olarda 500 myńnan sál astam kásipker ǵana bar. Iaǵni jalpy biznes sýbektileriniń 30-40 paiyzy", – dep túiindedi Jumanǵarin.
