استانادا جاڭا سالىق كودەكسىن ءتۇسىندىرۋ سەمينارى ءوتىپ جاتىر، دەپ حابارلايدى Dalanews.kz.
كودەكس 2026 جىلعى 1 قاڭتاردان باستاپ كۇشىنە ەنەدى. ءىس-شارا بارىسىندا ۆيسە-پرەمەر، ۇلتتىق ەكونوميكا ءمينيسترى سەرىك جۇمانعارين ارنايى سالىق رەجيمى – جەڭىلدەتىلگەن دەكلاراسيا نەگىزىندە جۇمىس ىستەي الاتىن جانە تىيىم سالىنعان قىزمەت تۇرلەرىن ءتۇسىندىردى.
رۇقسات ەتىلەتىن قىزمەت تۇرلەر
ۆيسە-پرەمەردىڭ ايتۋىنشا، رۇقسات ەتىلەتىن تىزىمدە مىنا سالالار قالادى:
-
بارلىق بولشەك ساۋدا (ءىرى فورماتتاعى ساۋدانى قوسپاعاندا)؛
-
اۋىل، ورمان شارۋاشىلىعى، اكۆاكۋلتۋرا؛
-
كرەاتيۆتى يندۋستريا، مادەنيەت، سپورت؛
-
تەحنيكالىق قىزمەت كورسەتۋ، كولىك جانە قويمالاۋ، پوشتا (بيزنەستىڭ كولەمىنە قاراي سارالانادى)؛
-
جىلجىمايتىن مۇلىك پەن كولىكتى جالعا بەرۋ (بيزنەستىڭ دەڭگەيىنە قاراي سارالانادى)؛
-
تۇرمىستىق قىزمەتتەر؛
-
دەنساۋلىق ساقتاۋ مەن الەۋمەتتىك قىزمەتتەر (جەكەمەنشىك كابينەتتەر جانە سوعان ۇقساس قىزمەتتەر)؛
-
قۇرىلىس جۇمىستارى (جۇمىس تۇرىنە قاراي ەكى تىزىمگە دە كىرەدى)؛
-
تۇرعىن ءۇي قىزمەتتەرى: كەمپينگتەر، قوناق ۇيلەر؛
-
قوعامدىق تاماقتانۋ: مەيرامحانالار، ءدامحانالار جانە جالپى تاماقتانۋ ورىندارى؛
-
شاشتارازدار، سۇلۋلىق سالوندارى؛
-
بازارلار، شاعىن دۇكەندەر (ولارعا شەكتەۋ قويىلمايدى)؛
-
مەكتەپكە دەيىنگى ءبىلىم بەرۋ.
"ۇلكەن كومپانيالارمەن جۇمىس ىستەگىسى كەلەتىندەر جالپىعا بىردەي بەلگىلەنگەن سالىق رەجيمىنە كوشۋگە ءتيىس بولادى"، – دەدى جۇمانعارين.
ونىڭ ايتۋىنشا، قازىرگى تاڭدا شامامەن 1،33 ملن بيزنەس سۋبەكتىسى رۇقسات ەتىلگەن قىزمەت تۇرلەرىنە كىرەدى. بۇل – شامامەن 318 وكەد. مينيستر اپتا سوڭىنا دەيىن تولىق ءتىزىم پورتالعا جاريالانىپ، كاسىپكەرلەردەن ۇسىنىستار قابىلداناتىنىن ايتتى.
تىيىم سالىناتىن قىزمەت تۇرلەرى
ال جەڭىلدەتىلگەن دەكلاراسياعا كىرمەيتىن، ياعني تىيىم سالىنعان قىزمەت سالالارىنىڭ قاتارىندا:
-
وڭدەۋ ونەركاسىبى؛
-
كوتەرمە ساۋدا؛
-
2 مىڭ شارشى مەتردەن اساتىن ءىرى فورماتتاعى بولشەك ساۋدا؛
-
جەر قويناۋىن پايدالانۋ؛
-
قارجى سەكتورى تولىقتاي؛
-
عىلىمي زەرتتەۋلەر؛
-
كولىك جانە قويمالاۋ (سارالاۋعا سايكەس)؛
-
تەلەكوممۋنيكاسيا، راديو، اقپاراتتىق تەحنولوگيالار؛
-
قۇرىلىس (كەيبىر قىزمەت تۇرلەرى)؛
-
تابيعي مونوپوليالار سۋبەكتىلەرى؛
-
جالعا بەرۋ جانە ليزينگ؛
-
مەملەكەتتىك باسقارۋ؛
-
ءبىلىم بەرۋ: مەكتەپتەر مەن جوو؛
-
بيزنەسكە ارنالعان قىزمەتتەر جانە وزگە دە قىزمەت تۇرلەرى؛
-
كوممەرسيالىق ەمەس ۇيىمدار؛
-
مەديسينا؛
-
بالىق شارۋاشىلىعى؛
-
قۇمار ويىندار.
"بۇل شامامەن 790 قىزمەت ءتۇرىن قامتيدى. ءبىراق ولاردا 500 مىڭنان ءسال استام كاسىپكەر عانا بار. ياعني جالپى بيزنەس سۋبەكتىلەرىنىڭ 30-40 پايىزى"، – دەپ تۇيىندەدى جۇمانعارين.
