2025 jyldyń 1 qańtarynan bastap Eńbekaqy tóleý qoryna túsetin salyq júktemelerin arttyratyn salalyq zańnamadaǵy ózgerister kúshine endi. Sarapshylar bul sharalar kompaniialardyń qarjylyq turaqtylyǵy men josparyna aitarlyqtai teris áser ete bastaǵanyn aitady, dep jazady Dalanews.kz.
Al bir jyldan keiin, iaǵni 2026 jyly basqa tásilder men stavkalardy qamtityn jańartylǵan Salyq kodeksi engizilmekshi.
"Bul, ásirese býhgalterler, kásipkerler jáne qarjy mamandary úshin problemaly bolyp, birqatar táýekelderdi qamtidy: esep aiyrysýda qatelikterge jol berý yqtimaldylyǵy, aiyppuldar jáne kompaniianyń qarjylyq turaqtylyǵyn joǵaltý. Munyń bári jańa jaǵdailarǵa beiimdelýdi qajet etedi" dep jazady Ýchet.
2025 jyldan bastap qoldanysqa engizilgen negizgi ózgerister:
- áleýmettik tólemder - 3,5%-dan 5%-ǵa deiin artty. Endi kásipker ár jumysshy úshin 4 250 teńgeden 29 750 teńgege deiin tóleýi kerek;
- áleýmettik salyq mólsherlemesi 9,5%-dan 11%-ǵa deiin ulǵaidy;
- zeinetaqy jarnasy 1,5%-dan 2,5%-ǵa deiin ósti. Endi ár qyzmetker úshin jumys berýshi minimaldy 2 125 teńgeden maksimaldy 106 250 teńgege deiin tóleýi kerek bolady;
- jalaqydan tólenetin biryńǵai tólem mólsherlemesi 21,5%-dan 23,8%-ǵa deiin ósti.
Sondai-aq MJÁ sharttary boiynsha 5% kóleminde áleýmettik aýdarymdardy engizý biznes shyǵystaryn odan ármen arttyra tústi. Ásirese, jeke tulǵalardy jumysqa jáne qyzmet kórsetý turǵysynda jaldaǵanda osyndai kelisimsharttardy paidalanatyn jeke kásipkerlik úshin.
Aita ketsek, bul tólemderdiń barlyǵyn jalpy Eńbekaqy tóleý qoryna túsetin alym-salyq (ETQ) dep ataidy. Qazaqstanda ETQ kólemi shamamen 40% quraidy, sarapshylar bul bizneske ájepteýir qarjylai qysym túsiredi dep sanaidy.
