Qorǵanys mınıstrligi QR Úkimetiniń “Zapastaǵy ofıserlerdi áskerı qyzmetke shaqyrý týraly” qaýlysynyń jobasyn daıyndady, dep habarlaıdy Dalanews.kz.
Qorǵanys mınıstrliginiń málimetinshe, normatıvtik quqyqtyq akt "Áskerı qyzmet jáne áskerı qyzmetshilerdiń mártebesi týraly” QR Zańynyń 32-babyna sáıkes ázirlendi.
“Úkimet qaýlysynyń jobasyna sáıkes 2025 jyly 915 zapastaǵy ofıser áskerı qyzmetke shaqyrylady. Áskerı qyzmetke shaqyrylǵan azamattar 24 aı boıy Qarýly kúshterde, UQK Shekara qyzmetinde, İİM Ulttyq ulanynda jáne Tótenshe jaǵdaılar mınıstrliginde ofıserlik quram laýazymdarynda qyzmet atqarady”, - delingen málimette.
Zapastaǵy ofıserlerdi shaqyrý áskerı daıyndalǵan rezervti jınaqtaý jáne ofıserler quramynyń bos laýazymdaryn tolyqtyrý maqsatynda júzege asyrylady.
