Joba «Almaty» áleýmettik kásipkerlik korporatsiiasy arqyly júzege asqaly otyr.
Baǵdarlama igiligin shaǵyn óndiristik park qurýǵa ne sondaǵy belgili bir aýmaqty satyp alýǵa niettiler kóre alady.
Boljam boiynsha kásipkerge 7 jylǵa deiingi aralyqta 500 mln teńge kóleminde nesie beriledi.
Syiaqy mólsherlemesi ońtaily, qolaily.
Aitalyq, 70 mln teńgege deiingi qaryz úshin jyldyq 2 paiyzben, al 70 mln teńgeden assa jyldyq 6 paiyzben beriledi.
Shaǵyn óndiristik parkten alynatyn nysan kepildikke qoiylady. Bul ónim osylaisha kásipkerlikti qorǵaý baǵdarlamasy boiynsha bankterge usynylady.
Almatyda qazir 8 óndiristik park bar, taǵy 11-i salynyp jatyr. 2030 jylǵa qarai onyń sany 100-ge jetedi.
Aita ketelik Almaty Indýstrialdy aimaǵy jeke kásipkerlikke memlekettik qoldaý kórsetý maqsatynda quryldy jáne Almaty qalasynda ónerkásiptiń basym salalaryn (mashina jasaý, tamaq, jeńil, farmatsevtika, himiia ónerkásibi, logistika, qurylys materialdarynyń óndirisi) damytý úshin kózdelgen.
Bul rette, ónerkásip kásiporyndaryn qalanyń turǵyn aýdanynan basqa jaqqa qaita ornalastyrýǵa, tehnologiialyq, innovatsiialyq ónimder shyǵarýǵa, importty aýystyrýǵa baǵyttalǵan investitsiialyq jobalarǵa basymdyq beriledi.
Almaty Indýstrialdy aimaǵynda 2,9 myń jumys orny qurylǵan.
Búginde Almaty Indýstrialdy aimaǵynda jeke investitsiiasy 119,8 mlrd. teńgeni quraityn 20 joba iske asyryldy, 647,5 mlrd. teńgege ónim óndirildi, 20,7 mlrd. teńge salyq aýdarymdary tólendi, 2 913 jumys orny quryldy.
