Astana qalalyq sotynyń ákimshilik ister jónindegi sot alqasy QR Týrizm jáne sport ministrliginiń sportshyǵa aqshalai kótermeleý tóleýden bas tartýyn zańsyz dep tapty, – dep habarlaidy Dalanews.kz sottyń baspasóz qyzmetine silteme jasap.
Is materialdaryna sáikes, sportshy 2021 jyly Býdapeshtte ótken álem chempionatynda altyn jáne qola medal jeńip alǵan. Keiinnen ol 2023 jáne 2024 jyldary Ózbekstan men Qyrǵyzstanda ótken halyqaralyq jarystarda da joǵary nátijeler kórsetken.
2024 jyldyń kúzinde sportshy ministrlikke zańǵa sáikes syiaqy tóleýdi surap ótinish berdi. Sońǵy eki chempionattyń qujattary esh qiyndyqsyz qabyldandy. Biraq 2021 jyly álem chempionattaryndaǵy júldeli oryndar úshin tólem jasaýdan bas tartylǵan.
Ministrlik bul sheshimdi talap qoiýdyń merzimi ótip ketkenin alǵa tartqan. Al sportshy óz quqyǵyn qorǵaý úshin sotqa júgingen.
Birinshi satydaǵy sot ministrliktiń ýájin negizsiz dep taýyp, talap qoiýdy qanaǵattandyrǵan. Apelliatsiialyq saty bul sheshimdi ózgerissiz qaldyrdy. Sot alqasy Úkimet qaýlysymen bekitilgen erejeler halyqaralyq jarystardyń barlyq júldegerlerine syiaqy tóleýdi mindetteitinin atap ótti. Mundai jaǵdaida talap qoiý merzimin qoldaný zańsyz dep tanyldy.
Qazirgi tańda sot aktileri zańdy kúshine engen joq. Ministrlik joǵary turǵan instantsiiaǵa shaǵym túsirý quqyǵyn paidalana alady.
