Qazaqstandy «Uly Dala eli» dep ataý jónindegi syndarly bastama da, «Máńgilik El» ataný týraly ulttyq ideia da qoǵam tarapynan qyzý qoldaý tapqany, biz úshin de úlken mártebe.
Ult kóshbasshysynyń tikelei qamqorlyǵynyń arqasynda Qazaqstanda «KATEV» halyqaralyq qoǵamdyq qory elimizdiń bilim berý salasyndaǵy ózindik ornyn tapty deýge bolady. Osynyń nátijesinde qazaq-túrik litseileriniń jumystary jandandy.
Qor basshylyǵynyń (Qordyń Quryltaishylar keńesi men Qordyń Ǵylymi-ádistemelik keńesi), QTL bilim alýshylarynyń ata-analar qaýymdastyǵy, litsei direktorlarynyń sheshimimen QTL ataýyna «rebrending» jasaý, iaǵni bilim berý uiymynyń qoǵamdaǵy orny men mártebesin jaily jaiǵastyrý maqsatynda atyn aýystyrýdy, jáne de ony Qazaqstan Respýblikasy Táýelsizdiginiń 25 jyldyq mereitoiyna orailastyryp, ataýyn «Bilim-innovatsiia litseii» dep ózgertý týraly bastama kóterip otyr.
Sonymen qatar, QR Premer-ministriniń orynbasary I.N.Tasmaǵambetovtiń Qordyń Qamqorshylyq keńesiniń tóraǵasy, al QR Bilim jáne ǵylym ministri E.K.Saǵadievtiń atalǵan keńestiń múshesi atanýy jáne QR BǴM ókilderi men Qordyń burynǵy belsendi músheleriniń qatysýymen Qor jumysynyń jańa baǵyt, jańa qadamdar, tyń ideialardy júzege asyrýyna mol múmkindik beretini kámil.
Elbasy N.Á.Nazarbaevtyń kóregen saiasatynyń arqasynda Qazaqstan damýdyń dańǵyl jolyna túsip, júrer jolyn aiqyndap, baǵyt-baǵdaryn naqtylap aldy. Birligi jarasqan eńseli eldi dúniejúzi tanydy, ony tanytýǵa bizdiń Qorǵa qarasty litseilerdiń qosar úlesi mol dep oilaimyz. Oǵan mysal, 2015-2016 oqý jyly oqýshylardyń jetistikteri:
Halyqaralyq pándik olimpiadalar – 129;
Halyqaralyq ǵylymi joba jarystary – 238;
Respýblikalyq pándik olimpiada – 253
Respýblikalyq ǵylymi joba jarystary – 62.
Al, aldyńǵy qatarly oqý oryndaryna túsý boiynsha 2015-2016 oqý jylynda QR JOO-yna (granttar) 821 túlek túsken. Nazarbaev Ýniversitetine – 148, TMD jáne alys shet elderdiń JOO – 267 bitirýshi qabyldanǵan.
Anyqtama: «KATEV» halyqaralyq qoǵamdyq qory Qazaqstan men Túrkiia arasyndaǵy bilim berý salasyndaǵy ekijaqty yntymaqtastyqty damytý maqsatynda eki eldiń Prezidentteri N.Á.Nazarbaev pen T.Ózaldyń tikelei qoldaýymen qurylǵan. Qazirgi tańda «KATEV» HQQ basqarýynda 27 memlekettik qazaq-túrik litseileri bar. Qazaq-túrik litseileri osy 24 jyl boiy elimizdiń bilim berý salasyn jańa sapalyq deńgeige kóterý turǵysynda, ony halyqaralyq arenada abyroimen atqaryp keledi.
Qanat Saparǵali,
«KATEV» halyqaralyq qoǵamdyq qorynyń baspasóz hatshy
