Biylǵy jyly Túrkistan oblysy kásipodaǵynyń oqytý ortalyǵynda «Nátijeli jumyspen qamtýdy jáne jappai kásipkerlikti damytýdyń 2017-2021 jyldarǵa arnalǵan baǵdarlamasy» aiasynda jumyssyz azamattar tegin oqydy.
Onda 200-ge jýyq adam qamtylyp, olar toqymashy, aspaz, júrgizýshi, jihaz qurastyrýshy sekildi 8 mamandyq boiynsha bilim alyp shyqty. "Túrkistan oblysynyń kásipodaqtar ortalyǵy" aýmaqtyq kásipodaqtar birlestiginiń tóraǵasy Berik Bekjanovtyń aitýynsha, qazirgi tańda Qazaqstannyń kásipodaqtar Federatsiiasy respýblikamyzdaǵy eń sany kóp uiym sanalady.
Onyń quramynda 18 salalyq kásipqoi odaqtary boiynsha jalpy sany 2 millionnan astam múshesi bar. Olardyń ishinde 221 752 adam Túrkistan oblysynyń azamattary.
«Jalpy kásipodaq birlestigi barlyq sala jumysshylarynyń eńbekaqy jáne qaýipsiz jumys jaǵdaiy máselelerin, eńbek demalysyn der kezinde alý men ózge de máselelerdi sheshý úshin birigetin qoǵamdyq uiym. Máselen, 2008 jyly oblystaǵy jumys istep turǵan 16 000 kásiporynnyń ishinde tek 1 853-inde ǵana óz jumysshylarmen kelisim-shart jasalǵan. Bul – 11,6 paiyz degen sóz. Al qazirgi tańda quramynda kásipodaq uiymdary bar kásiporyndar men uiymdardaǵy ujymdyq kelisim-shart jasasý úlesi 42 paiyzdy qurap otyr», - dedi Berik Aidarbekuly.
