Memleket basshysy Qasym-Jomart Toqaev Koreianyń birqatar azamatyn marapattady. Olardyń arasynda Hangýk shet tilderi ýniversitetiniń professory Son Ion Hýn bar, dep habarlaidy dalanews.kz.
Hangýk shet tilderi ýniversitetiniń professory Son Ion Hýn 20 jyldan beri qazaq tilinen dáris oqyp, korei halqyna Qazaqstan men onyń mádenietin dáriptep keledi. Ol búgin II dárejeli "Dostyq" ordenimen marapattaldy.
"Bul - men úshin úlken mártebe jáne zor qurmet. 20 jyl boiy Koreiada qazaq tilin oqytyp, Qazaqstandy Koreia halqyna keńinen tanytýǵa, eki eldiń dostyǵyn nyǵaitýǵa óz úlesimdi qosýǵa tyrysyp kelemin. Bul marapat tek ózime emes, kafedramyzdyń kóp jylǵy eńbegine, Koreiadaǵy qazaq tilin oqytý men Qazaqstandy zertteý isine berilgen joǵary baǵa dep qabyldaimyn", - dedi ol.
