Stepnogorsk qalasynyń prokýratýrasy iri mólsherde birneshe ret alaiaqtyq jasaǵany úshin aiyptalǵan qala turǵynyna qatysty qylmystyq is boiynsha memlekettik aiyptaýdy qoldady, dep habarlaidy dalanews.kz.
2023-2024 jyldar aralyǵynda sottalǵan áiel paidakúnemdik nietpen, azamattardy aldaý jáne olardyń senimin teris paidalaný arqyly turǵyn úi satyp alýǵa járdemdesýge ýáde bergen. Bul rette óz mindettemelerin oryndaýǵa nieti de, naqty múmkindigi de bolmaǵanyna qaramastan, azamattardan aqsha qarajatyn alyp, ony jeke maqsattaryna jumsaǵan.
Qylmystyq áreketteriniń nátijesinde 20 azamat jábirlenýshi dep tanylyp, olarǵa jalpy somasy 45 mln teńgeden astam materialdyq zalal keltirilgen. Sot talqylaýy barysynda sottalýshynyń qylmys jasaǵany dáleldendi.
Stepnogorsk qalasynyń sotynyń úkimimen áiel QR QK-niń 190-babynyń 3-bóligi boiynsha kináli dep tanylyp, 4 jyl 6 ai merzimge bas bostandyǵynan aiyryldy. Úkim zańdy kúshine endi.
Stepnogorsk qalasynyń prokýratýrasy azamattardy mámileler jasaý kezinde, onyń ishinde turǵyn úi satyp alýǵa bailanysty máselelerde, qyraǵy bolýǵa, usynylatyn qyzmetterdiń shynaiylyǵyn, tulǵalardyń ókilettikterin jáne aqsha qarajatyn alýǵa zańdy negizderiniń bar-joǵyn tekserýge shaqyrady.
Tiisti qujattary men zańdy kepildikteri joq bolǵan jaǵdaida turǵyn úi máselesin tiimdi sharttarmen sheshýge ýáde beretin tulǵalarǵa senbeńizder, sebebi mundai usynystar alaiaqtyqtyń belgisi bolýy múmkin.
