Memleket basshysy konstitýtsiialyq reformaǵa qatysty túsip jatqan usynystarmen tanysty, dep habarlaidy Dalanews.kz.
Qasym-Jomart Toqaev Memlekettik keńesshi Erlan Qarinmen jáne Prezidenttiń quqyqtyq máseleler jónindegi kómekshisi Erjan Jienbaevpen Parlamenttik reforma boiynsha kezekti jumys keńesin ótkizdi.
Erlan Qarin Memleket basshysyna Jumys tobynyń 9 qańtarda ótken otyrysynda bolashaq bir palataly Parlamenttiń mártebesin, ókilettikteri men fýnktsiialaryn anyqtaýǵa, sondai-aq biliktiń basqa da tarmaqtarymen ózara is-qimylyna qatysty tásilder ázirlengenin aitty.
15 qańtarǵa josparlanǵan kelesi otyrysta jańa Parlamenttiń basty memlekettik institýttardyń qyzmetin qamtamasyz etý ókilettikteri talqylanady.
Erjan Jienbaev Memleket basshysyn konstitýtsiialyq reformaǵa qatysty Jumys toby músheleri men jurtshylyqtan kelip túsken jańa usynystarmen tanystyrdy.
Prezident barlyq pikir men bastamany eskerý qajet ekenin atap ótti. Sondai-aq konstitýtsiialyq reforma boiynsha túpkilikti sheshimdi el azamattary jalpyulttyq referendýmda qabyldaitynyn málimdedi.
Sonymen qatar, kezdesýde Ulttyq quryltaidyń Qyzylorda qalasynda ótetin besinshi otyrysyna daiyndyq máselesi qaraldy.
Memleket basshysy Quryltai otyrysyn ótkizýdi osy jyldyń 20 qańtaryna belgilep, aldaǵy mańyzdy is-sharany uiymdastyrý jáne oǵan tyńǵylyqty ázirlený jóninde naqty tapsyrma berdi.
