Astanada bir kúnde ailyq jaýyn-shashyn mólsheriniń úshten birine jýyǵy jaýdy. Bul týraly qala ákimdigi málimdedi, dep habarlaidy dalanews.kz.
23 shildede nebári 22 minýt ishinde 11,4 mm jaýyn-shashyn jaýǵan. Jalpy 23 shildede jaýǵan jaýyn-shashyn kólemi 18,2 mm-ge jetip, bul ailyq normanyń shamamen úshten biri bolǵan. Qalada kommýnaldyq qyzmetter kúsheitilgen rejimde jumys istep jatyr.
Astanada 22 shildede de 20,8 mm jaýyn-shashyn jaýǵan bolatyn. Osylaisha, eki kún ishinde elordada jalpy 39 mm jaýyn-shashyn jaýyp, bul ailyq normanyń shamamen 70 paiyzyna jetti.
Qatty jaýyn-shashyn saldarynan qalanyń keibir jerlerinde sý jinaldy.
"Qolaisyz aýa raiynyń saldary jedel joiyldy. Sonymen qatar, kommýnaldyq qyzmetter kollektorlar men jańbyr sýyn qabyldaityn qudyqtardy tazalaý, qubyrlardy býmen óńdeý, nóser káriz júieleri men tazartý qurylystaryn salý jáne t.b. jumystardy turaqty túrde júrgizip keledi", - dedi ákimdik ókilderi.
Turǵyndardyń aitýynsha da, jaýyn nebári 15-20 minýtqa sozylǵan. Alaida osy ýaqyttyń ózi qalanyń birqatar kóshesin sý basýyna jetkilikti bolǵan. Áleýmettik jelide joldardy sý basqan videolar keń tarady.
