Almaty oblysy Qaraoi aýylynda 322 kópbalaly ana jer daýyn kóterdi. Oblys ákimdiginiń baspasóz qyzmeti bul jaǵdai baqylaýda ekenin málimdedi, dep habarlaidy Dalanews.kz.
2006 jyly Qaraoi aýyldyq okrýginen jer telimderin satyp alǵan 322 kópbalaly ana alaiaqtyqtyń qurbany bolǵan. Keiin bul jerlerdiń aýylsharýashylyq maqsatta bólingeni anyqtalyp, turǵyndar 20 jyl boiy ýchaskelerin zańdastyra almai keledi.
Alaiaqtyq isi boiynsha jaýaptylar 7 jylǵa sottalyp, jazasyn ótegenimen, azamattarǵa qarajat tolyq qaitarylmaǵan. Sot aqshany óteý jóninde sheshim shyǵarǵan, alaida turǵyndar jer telimderin qaitarýdy talap etip otyr.
"Bul másele boiynsha azamattar oblys ákimdigine júgindi. Jaǵdaidy zerdeleý úshin oblys ákiminiń orynbasary Áset Masabaev Qaraoiǵa baryp, jaýapty organdarmen birge jiyn ótkizdi. Oblys ákimdigi daýdy sheshý maqsatynda arnaiy komissiia quryp, 322 adamnyń tizimin naqtylaý jáne quqyqtyq usynystar ázirleý jumystaryn bastaidy", - dedi Almaty oblysy ákimdiginiń ókili Janna Arynbekova.
