Mamyr aıynda memlekettik qyzmetter usynatyn telegramdaǵy EgovKzBot-qa 1 jyl toldy. Osy ýaqyt ishinde ony 17 myńnan astam shymkenttik paıdalanyp, 47 myńnan astam qyzmet alǵan.
Esterińizge sala keteıik, bir jyl buryn telegram-bottyń kómegimen tek tórt tanymal qyzmet túrin: mekenjaı, jeke tulǵanyń basqa zańdy tulǵalarǵa qatysy, sottalmaǵany jáne jyljymaıtyn múliktiń bolýy nemese bolmaýy sıaqty anyqtamalardy alýǵa bolatyn edi.
Búginde bottaǵy qyzmetter men servıster sany 25-ke jetti. Ony qoldanýshylar jaqyn jerdegi HQO-da kezek brondap, ózin boryshkerler tiziminen tekserip, narkologıalyq, psıhonevrologıalyq, týberkýlezge qarsy dıspanserler esebinde turmaýy jónindegi anyqtamalardy alyp, dáriger qabyldaýyna onlaın jazyla alady.
Bot arqyly anyqtamalardy bir mınýttyń ishinde alyp, kerekti elektrondyq poshtaǵa joldaýǵa bolady.
«Azamattarǵa arnalǵan úkimet» memlekettik korporasıasynyń Shymkent qalasy boıynsha fılıalynyń baspasóz qyzmeti Altynaı Tataevanyń aıtýynsha, mıllıon turǵyny bar shahar halqy úshin anyqtamalardy HQO-ǵa barmaı-aq alý óte qolaıly.
EgovKzBot Telegram-botynyń turaqty paıdalanýshysy bolý úshin azamattar tek bir ret mobıldik azamattar bazasynda tirkelýi qajet.
Muny egov.kz elektrondy úkimet portalynyń jeke kabınetinde nemese kez-kelgen HQO-da jasaýǵa bolady.
«Azamattarǵa arnalǵan úkimet» MK KEAQ
Shymkent q. boıynsha fılıalynyń
baspasóz qyzmeti
