«16 millionǵa úiimdi satyp saldym». Qarjy piramidasyna aldanǵandar shý shyǵardy
Ádildik izdep ashynǵandar búgin quzyrly organdardyń ókilderin jinap jinalys uiymdastyrdy. Narazy toptyń aitýynsha, quzyrly organdar isti búge-shigesine deiin teksermegen.
Tergeý bir jarym jylǵa sozylyp, soty jazda bastalǵan. Al qarjy piramidasyn qurǵan azamat bir jarym jyldan beri izdeýde.
Qazir tek notariýs pen ekinshi quryltaishy ǵana qamaýda otyr. Jinalǵandar jurtty taqyrǵa otyrǵyzǵandardyń bári zań aldynda jaýap berýin talap etýde.
Tergeý málimetine sai, bul qarjy kompaniiasy 700-ge jýyq salymshynyń 3 mlrd teńgesin joq qylǵan. Onyń ishinde 300 kólik pen 26 úi bar.
Kompaniia salymshylardy ai-saiyn qomaqty ósimpul alyp otyrasyńdar dep sendirip, kóp uzamai jabylyp qalǵan.
– Qarjy piramidasyna halyq 300 myń teńgeden bastap qarjy salǵan. Eń kóbi 28-40 mln teńgege deiin salyp jibergen. Men 16 millionǵa úiimdi satyp saldym. Bizdiń talabymyz – Úkimetten arnaiy komissiia quryp, bul máseleni qaita tekserýi kerek, – Aqtaý qalasynyń turǵyny Sailaýgúl Ásemova:
