Aqmola oblysynda investordan 16 myń gektar jerdi alyp qoiý áreketine tosqaýyl qoiyldy, dep habarlaidy Dala News.
Bas prokýratýranyń Investorlardyń quqyqtaryn qorǵaý komiteti ekotýrizm jobasyn júzege asyryp jatqan kompaniianyń quqyǵyn qorǵap shyqty. Joba aiasynda Qazaqstanǵa bizondar ákelinip, Qyzyl kitapqa engen Prjevalskii jylqylaryn qaita kóbeitý jáne jylqy sharýashylyǵyn damytý josparlanǵan.
Buǵan deiin Jer resýrstaryn basqarý departamenti jer ýchaskesi maqsatty paidalanylmady degen negizben sotqa júgingen. Birinshi satydaǵy sot talapty qanaǵattandyrǵan.
Alaida prokýratýra bul zańbuzýshylyqtardyń formaldy ekenin anyqtap, mundai qatań shara qoldanýdyń negizsiz ekenin atap ótti. Proportsionaldylyq qaǵidaty eskerilip, investordyń múddesi qorǵaldy.
Nátijesinde departament talaptan bas tartyp, apelliatsiialyq sot birinshi sheshimdi joidy. Investorǵa jobany jalǵastyrýǵa múmkindik berildi.
Bul sheshim óńirdegi iri investitsiialyq jobanyń saqtalýyna jáne ekotýrizmniń damýyna jol ashty.
