Almaty oblysynyń prokýratýrasy 16 jastaǵy talǵarlyq Sherzattyń ólimine qatysty málimdeme jasady, - dep habarlaidy Dalanews.kz.
"Biz qoǵamdyq tolqýlardy túsinemiz jáne otbasy men jaqyndaryna kóńil aĭtamyz. Prokýratýra organdary kisi óltirý týraly bul isti erekshe baqylaýǵa alǵanyn resmi túrde habarlaĭmyz. Atalǵan qylmysty jasady degen kúdik boĭynsha sot 2 aĭ merzimge qamaýda ustaý túrindegi bultartpaý sharasyna sanktsiia berip, jeti kúdikti adam ustaldy. Biz barlyq jaǵdaĭlardy anyqtaýǵa jáne kinálilerdi jaýapkershilikke tartýǵa baǵyttalǵan obektivti tergeýge kepildik beremiz.
Barlyq azamattardy osy qylmysqa qatysy bar adamdardy jaýapkershilikten alyp tastaýǵa eshqandaĭ áreket jasalmaĭtynyna sendiremiz. Tergeýge kómektesetin kez-kelgen aqparatpen prokýratýra nemese ishki ister organdaryna júginýge shaqyramyz", - deidi prokýratýradaǵylar.
Aita keteiik, jantúrshigerlik oqiǵa 4 qazanda bolǵan edi. Sherzattyń ákesi jalǵa dúken alyp, saýda jasaýmen ainalysatyn. Arty ólimmen aiaqtalǵan tóbeles osy dúkennen bastalǵan.
Bir jigit dúkenge kelip, bir quty syra alyp, aqshasyn tólemei kete barǵan. Sherzattyń ákesi syranyń aqshasyn tóleýdi talap etken kezde janjal týyndaǵan.
Sherzat osy sátte klienttiń dúkennen shyǵyp ketýin suraǵan. Biraq syra alǵan jigit dostaryna qońyraý soǵyp, dúkenge úsh kólikpen bir top jigit kelgen.
Bir top jigit Sherzatty tepkilei bastaǵan. Bul sátti turǵyndar videoǵa túsirip alǵan. 10-shy synypta oqityn Sherzat ata-anasynyń dúkenine kezdeisoq kelgen. Sýyq qarýmen kelgen buzaqylar eshkimdi aiamapty. Qansyraǵan bir otbasynyń músheleri aýrýhanaǵa jetkizilgen. Kóp uzamai Sherzat jansaqtaý bóliminde kóz jumǵan.
Buǵan deiin Talǵarda qaskóilerdiń qolynan qaza tapqan Sherzattyń ápkesi tyń málimetpen bólisti.
Marqumnyń ápkesi Baqyt Reimovanyń sózinshe, politseiler tóbeleske qatysýshylardyń bárin áli qamaýǵa almaǵan. Ol quzyrly organdardan kúdiktilerdiń bárin ustap, kórsetýin talap etti.
"Eger rezonans jasamasaq, bizdi eshkim estimeidi. Inim áskeri qyzmetker bolǵysy keldi. Qanshama armandary ishinde ózimen birge ketti. Sondai ókinishti jaǵdai. Bulai bolmaýy kerek edi", - deidi Baqyt Reimova.
Onyń aitýynsha, Sherzatty kúdiktiler aiýandyqpen óltirgen. Qansyrap jatqanynda kúdiktilerdiń bireýi artynan kelip, avtomatpen urǵan eken.
Sonymen qatar,qaiǵydan qan jutqan Sherzattyń ata-anasy joldy jabýǵa májbúr boldy.
