Qazaqstan Respýblikasynyń Bas prokýratýrasy on alty jasqa tolmaǵan adammen jynystyq qatynasqa túskeni úshin Qazaqstan azamatyn qylmystyq jaýapkershilikke tartý úshin Resei Federatsiiasynan ekstraditsiialady, - dep habarlaidy Dalanews.kz.
Prokýratýra málimetinshe, kúdikti byltyr qyrkúiekte ol Shymkent qalasynyń jaldamaly páterleriniń birinde 14 jasarmen jynystyq qatynasqa túsken.
Qylmys jasalǵannan keiin qaskúnem jasyrynyp, halyqaralyq izdeý jariialandy. Osy jylǵy sáýirde ol Resei Federatsiiasynyń Novosibirsk qalasynda ustaldy.
Qazaqstan Bas prokýratýrasynyń suraý salýy boiynsha Resei tarapy kúdiktini otanyna ekstraditsiialaý týraly sheshim qabyldady.
Qazirgi ýaqytta sottalýshy tergeý izoliatoryna qamaldy.
Bul qylmys úshin belgili bir laýazymdardy atqarý nemese belgili bir qyzmetpen ainalysý quqyǵynan ómir boiyna aiyra otyryp, bes jylǵa deiingi merzimge bas bostandyǵynan aiyrý túrindegi jaza qarastyrylǵan.
