Tallin qalasynda 14 jyl boiy jasyrynyp júrgen qaraqshylyqqa kúdikti Qazaqstan azamaty ustaldy, dep habarlaidy Dala News.
Pavlodar oblystyq politsiia departamentiniń málimetinshe, óńirde ótken «Rozysk» jedel aldyn alý is-sharasy barysynda barlyǵy 16 qylmysker anyqtalǵan. Olardyń ishinde 9-y TMD elderinde qylmys jasap, halyqaralyq izdeýde júrgen shetel azamattary.
Politsiianyń habarlaýynsha, eń rezonansty jaǵdailardyń biri 2012 jyly jasalǵan qaraqshylyq qylmysqa qatysty boldy. Kúdikti sol kezden beri quqyq qorǵaý organdarynan jasyrynyp, Estoniia aýmaǵynda ómir súrgen.
Tergeý derekterine sáikes, ol ózin áshkerelemeý úshin jalǵan qujattardy paidalanyp, bóten adamnyń atymen ómir súrgen. Osylaisha uzaq ýaqyt boiy quqyq qorǵaý organdarynyń nazarynan tys qalyp kelgen.
Alaida pavlodarlyq jedel qyzmetkerler Interpolmen birlesip júrgizgen jumystar nátijesinde onyń naqty ornalasqan jeri anyqtalyp, Tallin qalasynda ustaldy.
Qazirgi ýaqytta kúdiktini Qazaqstanǵa ekstraditsiialaý máselesi halyqaralyq kelisimder aiasynda qarastyrylyp jatyr.
Sonymen qatar atalǵan is-shara barysynda Pavlodar oblysynyń Sherbaqty aýdanynda memlekettik shekarany zańsyz kesip ótpek bolǵan Qyrǵyzstan azamaty da ustalǵan. Ol Resei Federatsiiasynda jasalǵan urlyq qylmysy boiynsha izdeýde bolǵan.
Politsiia málimetinshe, jyl basynan beri pavlodarlyq jedel qyzmetkerler halyqaralyq izdeýde júrgen 47 adamdy anyqtap, ustaǵan.
