Áýe kompaniiasy 5 million teńge moraldyq ótemaqy tóleýge mindetteldi. 12 jastaǵy qyzdy ushaqqa mingizbegeni úshin sot osyndai sheshim shyǵardy.
Buǵan deiin otandyq loýkester áýe tasymalyna qatysty zańnamany buzǵany úshin aiyppul salynǵan edi, - dep habarlaidy Dalanews.kz.
"Almaty qalasynyń Túrksib aýdany soty Air Astana kompaniiasyna qarasty Fly Arystan Astana-Oral baǵytynda 12 jastaǵy qyzdy ushaqqa otyrǵyzbaǵany úshin onyń anasyna 5 mln teńge kóleminde moraldyq ótemaqy tóleýge mindetteldi.
Al qyrkúiekte sot áýe kompaniiasyn aviatsiia zańnamasyn buzǵany úshin memleket biýdjetine 3 million 692 myń teńge aiyppul tóleýge mindettedi", - dedi advokat Danilhan Shaǵataev.
Áýe tasymaldaýshy men jolaýshy arasyndaǵy bul daý shilde aiynda bastalǵan. Astanadan Oralǵa ushpaq bolǵan Jazira Mýsinanyń 12 jastaǵy egiz qyzdarynyń birine ushaqta oryn tabylmaǵan. Osylaisha jalǵyz ózin Astana qalasynyń áýejaiyna tastap ketti deidi.
Kámeletke tolmaǵandardyń qaýipsizdigine bas qatyrmady dep, áiel atalmysh kompaniiany sotqa berdi. Al tasymaldaýshy beibit kelisimge kelýge shaqyryp, 4 mln teńge usynǵanyn Zereniń anasy áleýmettik jelige jazǵan. Al qyrkúiek aiynda kompaniia memleketke 3 jarym mln teńgeden astam aiyppul tóleýge mindettelgen edi.
"Sot qanaǵattanarlyq sheshim shyǵardy. Biz úshin ótemaqynyń kólemi mańyzdy emes. Eń bastysy, is júieli túrde qaralyp, sońynda qaýly qabyldandy. Mundai jaǵdailar endi Fly Arystan kompaniiasyna sabaq boldy dep oilaimyn. Balalardy eresek adamsyz reisten túsirip, tastap ketýdi toqtatady degen úmittemin", - dedi Jazira Mýsina.
