Qazaqstannyń 15 óńirinde jáne Astana qalasynda 11 qarasha kúni daýyldy aýa raiy kútiledi, dep habarlaidy Dalanews.kz «Qazgidrometke» silteme jasap.
Túnde Atyraý oblysynyń batysy men shyǵysynda kei jerlerde qatty jańbyr jaýady. Túnde jáne tańerteń oblystyń batysynda, ońtústiginde jáne Atyraý qalasynda tuman kútiledi.
Túnde jáne tańerteń Túrkistan oblysynyń ońtústiginde jáne taýly aimaqtarynda tuman bolady.
Túnde Abai oblysynyń ońtústiginde, shyǵysynda jáne ortalyǵynda qar jaýyp, kóktaiǵaq pen burqasyn kútiledi. Oblystyń batysynda, soltústiginde jáne ońtústiginde tuman túsedi. Batysynda, soltústiginde jáne ortalyǵynda ońtústik-batys jeli 15–20 m/s, ekpini 25 m/s deiin jetedi. Semei qalasynda ońtústik-batys jeli 15–18 m/s jyldamdyqpen soǵady.
Túnde Shyǵys Qazaqstan oblysynyń soltústiginde, shyǵysynda jáne ońtústiginde qar, kóktaiǵaq jáne burqasyn kútiledi. Kúndiz oblystyń batysynda, soltústiginde jáne shyǵysynda jaýyn-shashyn (jańbyr, qar), kóktaiǵaq jáne burqasyn boljanady. Soltústiginde, shyǵysynda jáne ońtústiginde tuman bolady. Ońtústik-batys jeli batysynda, soltústiginde jáne ońtústiginde 15–20 m/s, ekpini 23 m/s. Óskemen qalasynda túnde qar, kóktaiǵaq kútiledi, jeldiń ekpini 15–18 m/s.
Ulytaý oblysynyń soltústiginde tuman kútiledi. Kúndiz oblystyń soltústigi men shyǵysynda ońtústik-batys jeli 15–20 m/s jyldamdyqpen soǵady.
Soltústik Qazaqstan oblysynda jaýyn-shashyn (jańbyr, qar), kóktaiǵaq jáne burqasyn boljanady. Oblystyń batysy men soltústiginde tuman kútiledi. Ońtústik-batys jeli 15–20 m/s, al ońtústigi men shyǵysynda ekpini 25 m/s deiin jetedi. Petropavl qalasynda jaýyn-shashyn (jańbyr, qar), kóktaiǵaq, burqasyn jáne tuman kútiledi. Jeldiń jyldamdyǵy 15–20 m/s.
Mańǵystaý oblysynyń batysy men soltústiginde tuman bolady. Aqtaý qalasynda túnde jáne tańerteń tuman kútiledi.
Túnde Aqmola oblysynyń batysy men soltústiginde jaýyn-shashyn (jańbyr, qar), burqasyn jáne kóktaiǵaq bolady. Kúndiz de jaýyn-shashyn (jańbyr, qar), burqasyn jáne kóktaiǵaq saqtalady. Oblystyń batysy men ońtústiginde tuman túsedi. Soltústik-batys, ońtústik jáne shyǵys baǵyttarynda jeldiń ekpini 15–20 m/s, kúndiz soltústigi men shyǵysynda kei jerlerde 25 m/s deiin jetedi. Kókshetaý qalasynda tańerteń jáne kúndiz jaýyn-shashyn (jańbyr, qar), burqasyn jáne kóktaiǵaq kútiledi, jeldiń ekpini 15–20 m/s.
Túnde Qostanai oblysynyń batysynda jaýyn-shashyn (jańbyr, qar), kóktaiǵaq jáne burqasyn kútiledi, kúndiz de jaýyn-shashyn (jańbyr, qar), kóktaiǵaq pen burqasyn bolady. Túnde jáne tańerteń oblystyń batysy men soltústiginde tuman kútiledi. Ońtústik-batys jeli shyǵysy men ońtústiginde 15–20 m/s jyldamdyqpen soǵady. Qostanai qalasynda kúndiz jaýyn-shashyn (jańbyr, qar), kóktaiǵaq jáne burqasyn boljanady.
Astana qalasynda kóktaiǵaq kútiledi. Kúndiz ońtústik-batys jeli 15–20 m/s deiin kúsheiedi.
Túnde jáne tańerteń Batys Qazaqstan oblysynyń batysynda, soltústiginde jáne ońtústiginde tuman kútiledi. Oral qalasynda túnde jáne tańerteń tuman bolady.
