Búgingi aktsiia barysynda elordalyq volonterler Baiqońyr aýdanynda jalǵyz turatyn zeinetkerlerge, UOS, tyl ardagerlerine kómek kórsetti.
Temirlan esimdi volonterdiń aitýynsha, mundai aktsiialar qariialarǵa qurmet kórsetýdiń bir belgisi ekenin aitty.
– Jyl saiyn aýdan ákiminiń bastamasymen jalǵyz turatyn jáne kómekkke muqtaj qariialarǵa kómek kórsetilip keledi. Mereke qarsańynda mundai aktsiia qala turǵyndaryn qýantatyny sózsiz. Úi aýlasyndaǵy qardy tazalaý arqyly volonterler qariialardyń aq batasyn alyp jatyr. Elordada ótip jatqan osyndai aktsiialarǵa barlyq volonterlerdi qatysýǵa shaqyramyn, – deidi ol.
Igi is barysynda qariialarǵa azyq-túlik salynǵan sebet pen shaǵyn jańa jyldyq táttiler tabystaldy. Qariialar óz kezeginde jastarǵa jasaǵan qolǵabystary úshin alǵystaryn bildirdi.
Qaiyrymdylyq is-sharasy barysynda volonterler osyndai birneshe mekenjaiǵa baryp, qar tazalady. Uiymdastyrýshylardyń aitýynsha, dástúrli aktsiia áli de jalǵasyn tabady.
Aita keteiik, osyǵan deiin aýa raiy qolaisyz kúnderi volonterler elorda kóshelerinde kommýnaldyq qyzmetkerler men qala turǵyndaryna ystyq shai men baýyrsaq úlestirgen bolatyn.
