QR Aýyl sharýashylyǵy ministri Asqar Myrzahmetovtyń aitýynsha, búginde jeke úi qurylysyna qajetti jer telimderi tapshy.
Atalǵan máseleni sheshý úshin aýyl sharýashylyǵy jerlerin memleket menshigine satyp alyp, halyqqa 10 sotyqtan taratyp berýge bolady. Alaida oǵan da sý, jaryq, káriz jáne taǵy basqa infraqurylym jelilerin tartý qajet, – dep habarlaidy Baq.kz.
Ministrdiń sózine qaraǵanda, búginde jer máselesine qatysty sait pen tikelei jeligen túsetin saýaldardyń basym bóligi 10 sotyq jerdi berý máselesine qatysty.
«Qazir 10 sotyq jerdi alǵysy keletinderdiń sany 1 million 400 myń adamnan asyp otyr. Olardyń qatary kóbeiip keledi. Degenmen, búginde oblystyq ortalyqtardyń mańaiynda bos jatqan jerler joq. Sonyń basym bóligi – aýyl sharýashylyǵy jerleri. Ákimdikter ony satyp ala almaidy. Sol jerdiń ielerine de ony tikelei úidi salǵysy keletin adamǵa da satýǵa ruqsat joq. Osy problema sheshilmei jatyr», - deidi A.Myrzahmetov halyq aldynda esep berý kezdesýi kezinde.
Onyń aitýynsha, aýyl sharýashylyǵy jerlerin satyp alý máselesin qarastyrý qajet. Ony Jer reformasy jónindegi respýblikalyq komissiianyń talqylaýyna shyǵarý josparlanyp otyr. Degenmen, sońǵy sheshimdi Parlament qabyldaidy.
