قر اۋىل شارۋاشىلىعى مينيسترٸ اسقار مىرزاحمەتوۆتىڭ ايتۋىنشا, بٷگٸندە جەكە ٷي قۇرىلىسىنا قاجەتتٸ جەر تەلٸمدەرٸ تاپشى.
اتالعان مەسەلەنٸ شەشۋ ٷشٸن اۋىل شارۋاشىلىعى جەرلەرٸن مەملەكەت مەنشٸگٸنە ساتىپ الىپ, حالىققا 10 سوتىقتان تاراتىپ بەرۋگە بولادى. الايدا وعان دا سۋ, جارىق, كەرٸز جەنە تاعى باسقا ينفراقۇرىلىم جەلٸلەرٸن تارتۋ قاجەت, – دەپ حابارلايدى Baq.kz.
مينيستردٸڭ سٶزٸنە قاراعاندا, بٷگٸندە جەر مەسەلەسٸنە قاتىستى سايت پەن تٸكەلەي جەلٸگەن تٷسەتٸن ساۋالداردىڭ باسىم بٶلٸگٸ 10 سوتىق جەردٸ بەرۋ مەسەلەسٸنە قاتىستى.
«قازٸر 10 سوتىق جەردٸ العىسى كەلەتٸندەردٸڭ سانى 1 ميلليون 400 مىڭ ادامنان اسىپ وتىر. ولاردىڭ قاتارى كٶبەيٸپ كەلەدٸ. دەگەنمەن, بٷگٸندە وبلىستىق ورتالىقتاردىڭ ماڭايىندا بوس جاتقان جەرلەر جوق. سونىڭ باسىم بٶلٸگٸ – اۋىل شارۋاشىلىعى جەرلەرٸ. ەكٸمدٸكتەر ونى ساتىپ الا المايدى. سول جەردٸڭ يەلەرٸنە دە ونى تٸكەلەي ٷيدٸ سالعىسى كەلەتٸن ادامعا دا ساتۋعا رۇقسات جوق. وسى پروبلەما شەشٸلمەي جاتىر», - دەيدٸ ا.مىرزاحمەتوۆ حالىق الدىندا ەسەپ بەرۋ كەزدەسۋٸ كەزٸندە.
ونىڭ ايتۋىنشا, اۋىل شارۋاشىلىعى جەرلەرٸن ساتىپ الۋ مەسەلەسٸن قاراستىرۋ قاجەت. ونى جەر رەفورماسى جٶنٸندەگٸ رەسپۋبليكالىق كوميسسييانىڭ تالقىلاۋىنا شىعارۋ جوسپارلانىپ وتىر. دەگەنمەن, سوڭعى شەشٸمدٸ پارلامەنت قابىلدايدى.
