1 shildeden bastap qazaqstandyq bankter, bankterdiń sheteldik filialdary, Qazaqstan damý banki men "Qazposhta" Ulttyq bankke azamattardyń shottary men salymdary boiynsha jańa tártippen esep bere bastaidy, dep habarlaidy Dalanews.kz.
Jańa ereje boiynsha qarjy uiymdary Ulttyq bankke tómendegi málimetterdi turaqty túrde usynýǵa mindetti:
- Shot nemese depozit iesi týraly aqparat
Bul esep árbir jeke jáne zańdy tulǵaǵa, onyń ishinde jeke kásipkerlerge, halyqaralyq qarjy uiymdary men zańdy tulǵa qurmaǵan kompaniialarǵa qatysty toltyrylady. Málimetterdi 10 jumys kún ishinde berý talap etiledi.
- Shot nemese depozit kelisimsharty týraly esep
Qarjy uiymdary men klient arasyndaǵy barlyq kelisimder, sonyń ishinde jańadan ashylǵan, merzimi aiaqtalǵan nemese ózgeriske ushyraǵan depozitter men esepshottar týraly tolyq aqparat beriledi. Esep berý merzimi – 10 jumys kúni.
- Bank shoty boiynsha esep
Klienttiń esepshotynyń jai-kúii týraly tolyq aqparat beriledi.
- Shottaǵy aqsha qozǵalysy týraly esep
Bul esep ai saiyn ázirlenip, kelesi aidyń 10-shy jumys kúninen keshiktirilmei usynylady. Onda eseptik kezeńdegi qarajat qozǵalysy, bank pen klient arasyndaǵy mindettemelerdiń ózgerisi týraly málimetter qamtylady.
Buǵan deiin Qarjy ministrligi, Ulttyq bank jáne ekinshi deńgeili bankter mobildi aýdarymdar boiynsha qosymsha kriterii bekitkenin jazǵan edi. Jańa talap boiynsha úsh ai ishinde kiris mobildi aýdarymdardyń somasy 12 eń tómengi jalaqy mólsherinen (1,02 mln teńge) asqan jaǵdaida, esepke alynatyn bolady.
