Qazaqstanda 1 qyrkúiekten bastap shetelden ákelinetin avtokólikterdi sertifikattaý talaptary kúsheitiledi, dep habarlaidy dalanews.kz.
Saýda jáne integratsiia ministrligi ázirlegen jańa erejelerge sáikes, róli oń jaqtan sol jaqqa aýystyrylǵan kólikterge kólik quraly konstrýktsiiasynyń qaýipsizdigi týraly kýálik berilmeidi. Sonyń saldarynan mundai qaita jabdyqtalǵan kólikterdi Qazaqstanǵa zańdy túrde ákelip, tirkeý múmkindigi shekteledi.
Jańa talaptar sertifikattaý zerthanalarynyń jumysyna da qatysty bolmaq. Atap aitqanda, endi SOS jedel shaqyrý júiesiniń jumysyn tekserý protsesi mindetti túrde beinejazbaǵa túsirilýi tiis.
Ministrlik bul ózgerister jalǵan synaqtardyń aldyn alyp, kólikterdi naqty tekserýsiz sertifikat berý tájiribesin boldyrmaýǵa baǵyttalǵanyn atap ótti.
Jańa talaptar jobasy qoǵamdyq talqylaýdan ótip, Ádilet ministrligine jiberilgen. Qujat 2026 jylǵy 1 qyrkúiekten bastap kúshine enedi.
