1 qyrkúıekten bastap «QazTransOıl» AQ ishki naryqqa munaı jetkizetin tarıfin ózgertedi. Bul týraly Ulttyq kompanıanyń baspasóz qyzmeti habarlady.
"Qazaqstan Respýblıkasy Ulttyq ekonomıka mınıstrligi Tabıǵı monopolıalardy retteý komıteti tóraǵasynyń 2024 jylǵy 31 shildedegi buıryǵyna sáıkes, magıstraldyq qubyrlar júıesi boıynsha Qazaqstan Respýblıkasynyń ishki naryǵyna munaı jetkizý jónindegi rettelip kórsetiletin qyzmetke" QazTransOıl " AQ-nyń jańa tarıfteri bekitildi. 2024 jylǵy 1 qyrkúıekten bastap 2025 jylǵy 31 tamyzǵa deıin tarıf 455,64 teńgege nemese 9,4% - ǵa azaıyp, 1000 km-ge (QQS-syz) 1 tonnaǵa 4 396,23 teńge bolady. 2025 jylǵy 1 qyrkúıekten bastap 2025 jylǵy 31 jeltoqsanǵa deıin bul tarıf 1000 km-ge 1 tonnaǵa 4 915,21 teńgeni (QQS-syz) quraıdy, bul 518,98 teńgege nemese 11,8% - ǵa ulǵaıdy degen sóz", - delingen habarlamada.
«QazTransOıl» AQ Qazaqstan Respýblıkasynyń munaı óńdeý zaýyttaryna munaı jetkizýdiń 90%-dan astamyn qamtamasyz etedi.
