Tegin meditsinalyq kómektiń kepildik berilgen kólemi aiasynda diagnostikalaý men emdeýge jatatyn áleýmettik mańyzy bar aýrýlar tizimi keńeitildi, dep habarlaidy Dalanews.kz.
1 qańtardan bastap Qazaqstanda mindetti áleýmettik meditsinalyq saqtandyrý (MÁMS) júiesine qatysty, áleýmettik mańyzy bar jáne sozylmaly aýrýlar tizbesine bailanysty jańa normalar qoldanysqa engizildi.
Endi bekitilgen tizimge kiretin áleýmettik mańyzy bar aýrýǵa kúdik týǵan jaǵdaida, qajetti diagnostikalyq tekserýler patsienttiń saqtandyrylǵan mártebesine qaramastan taǵaiyndalady. Buǵan deiin mundai múmkindik tek týberkýlez nemese AITV-infektsiiasyna kúdik bolǵan kezde ǵana qarastyrylǵan edi. Al onkologiialyq aýrýlar nemese baýyr tsirrozy qaýpi anyqtalsa, tek saqtandyrylǵan azamattarǵa ǵana tekserý júrgiziletin, sebebi bul qyzmetter MÁMS paketine kiretin.
Endi tegin meditsinalyq kómektiń kepildik berilgen kólemi sheńberinde diagnostika men emdeý kelesi áleýmettik mańyzy bar aýrýlar boiynsha qoljetimdi bolady:
- túberkúlez;
- AITV-infektsiiasy;
- qaterli isikter;
- sozylmaly virýstyq gepatitter jáne baýyr tsirrozy;
- psihikalyq jáne minez-qulyqtyq buzylystar;
- orfandyq (sirek kezdesetin) aýrýlar;
- júike júiesiniń degenerativti aýrýlary;
- ortalyq júike júiesiniń demielinizatsiialaityn aýrýlary;
- epilepsiia;
- jedel miokard infarkti (alǵashqy 6 ai ishinde);
- insýltter (bir jyl ishinde).
Áleýmettik mańyzy bar jáne keń taralǵan aýrýlardy erte anyqtaý maqsatynda skriningtik tekserýler, onyń ishinde onkoskriningter de, saqtandyrý mártebesine qaramastan tegin meditsinalyq kómektiń kepildik berilgen kólemi aiasynda júrgiziledi.
Sonymen qatar dispanserlik esepte turǵan patsientter úshin birqatar sozylmaly aýrýlardy emdeý men baqylaý MÁMS paketine aýystyryldy. Bul tizimge mynalar kiredi:
- qant diabeti;
- balalar tserebraldy sal aýrýy;
- dáneker tinniń júieli zaqymdanýy;
- revmatizm;
- arteriialyq gipertenziia;
- júrektiń ishemiialyq aýrýy jáne ózge de júrek aýrýlary (júrek jetkiliksizdigi, júrek yrǵaǵynyń buzylystary);
- tómengi tynys joldarynyń sozylmaly aýrýlary;
- búirek aýrýlary, onyń ishinde glomerýliarly aýrýlar men sozylmaly búirek jetkiliksizdigi;
- as qorytý júiesi aýrýlary;
- súiek-bulshyqet júiesi men dáneker tin aýrýlary.
Bul atalǵan diagnozdary bar azamattarǵa ambýlatoriialyq jáne statsionarlyq jaǵdaida barlyq qajetti em túrlerin, sonyń ishinde dári-dármekpen qamtamasyz etýdi, qymbat preparattardy da alýyna múmkindik beredi.
Aita keteiik, 2025 jyldyń shilde aiynda Prezident MÁMS máseleleri men meditsinalyq qyzmetter kórsetýge qatysty ózgerister men tolyqtyrýlardy kózdeitin zańǵa qol qoiǵan bolatyn.
