Qazaqstandyqtar jelide "Qaırat"-"Real" machine bılet sata bastady, dep habarlaıdy Dalanews.kz.

Jelige sholý: qazaqstandyqtar bıletti qanshadan satyp jatyr?

Threads jelisinde machke bılet satatyndardyń jarnamasy kóbeıdi:

Bılet baǵalary ártúrli: bireýi 170 myń teńgege, endi biri 500 myń teńgege baǵalaǵan.

"250 myń teńgege satyp aldym, 500 myńǵa satamyn. Ózim Almatydamyn, baryp kirgizip jiberemin", - degen bılet satatyndardyń biri.

Eń qymbat baǵa - 1 mıllıon 400 myń teńge (eki bıletke)

Jazba avtory stadıonǵa deıin kirgizip jiberetinin, 30 paıyz mólsherinde aldyn ala tólem jasalýy kerek ekenin, sonymen qatar, bári zańdy ekenin aıtqan.

Jeli qoldanýshylarynyń basym bóligi munyń zańsyzdyq ekenin aıtyp, quzyrly organdardan tekseris júrgizýdi surap otyr. Ázirge "Qaırat" fýtbol klýby tarapynan da, quzyrly organdar tarapynan da málimdeme jasalǵan joq.

Buǵan deıingi jaǵdaı

23 qyrkúıekte bılet satylymy ashyldy, sanaýly mınýtta saıttarda uzan sonar kezek paıda boldy. Almatydaǵy stadıon shamamen 23 000 adamǵa arnalǵan. Al kezekke birden 100 myńnan asa jınaldy.

Eske salaıyq, buǵan deıin bir adamǵa 2 bıletten artyq berilmeıtini, JSN jáne tólqujat derekteri kórsetilýi kerek ekeni, bul derekter stadıonǵa kirgen kezde de tekseriletini aıtyldy.

Al bılet baǵasy 30 myń men 250 myń teńge aralyǵynda boldy.