Jalpy, Qazaqstanda 313 halyqaralyq baǵyttar jumys isteidi, olar boiynsha 610 avtobýsqa ie 88 tasymaldaýshy jumys isteidi.
Vedomstvoaralyq komissiianyń 1 maýsymdaǵy qalalar arasyndaǵy kedergilerdi alyp tastaý týraly sheshimine sáikes, 5 maýsymnan bastap el ishindegi jolaýshylar tasymalyn qalpyna keltirý jumystary júrgiziletin bolady.
Jolaýshylardy avtobýspen tasymaldaý kezindegi tasymaldaýshylardyń jumysynyń tiisti algoritmi 2020 jylǵy 10 mamyrdaǵy bas dárigerdiń talaptaryn eskere otyryp jasaldy, onda marshrýttyń sońǵy aialdaǵan ornynda avtobýstardy dezinfektsiialaý, jolaýshylardy tek maskamen kirgizý, jolaýshylardy otyrǵyzý kezindegi kem degende 1 metr qashyqtyqty saqtaý mindetteledi.
Júrgizýshiler ýaqytyly qolǵap pen meditsinalyq maskalardy aýystyryp otyrý úshin osy zattarmen tolyqtai qamtamasyz etilgen bolýy tiis.
Óz kezeginde ákimdikter jolaýshylar tasymaly salasynda koronavirýs infektsiiasynyń taralýyn boldyrmaýǵa arnalǵan algoritmdi saqtaý úshin tasymaldaýshylarǵa qatysty qajetti sharalardy qabyldai alady, dep málimdedi QR Indýstriia jáne infraqurylymdy damytý ministrligi Kólik komiteti tóraǵasynyń orynbasary Jánibek Taijanov OKQ-da ótken brifingte.
