جالپى، قازاقستاندا 313 حالىقارالىق باعىتتار جۇمىس ىستەيدى، ولار بويىنشا 610 اۆتوبۋسقا يە 88 تاسىمالداۋشى جۇمىس ىستەيدى.
ۆەدومستۆوارالىق كوميسسيانىڭ 1 ماۋسىمداعى قالالار اراسىنداعى كەدەرگىلەردى الىپ تاستاۋ تۋرالى شەشىمىنە سايكەس، 5 ماۋسىمنان باستاپ ەل ىشىندەگى جولاۋشىلار تاسىمالىن قالپىنا كەلتىرۋ جۇمىستارى جۇرگىزىلەتىن بولادى.
جولاۋشىلاردى اۆتوبۋسپەن تاسىمالداۋ كەزىندەگى تاسىمالداۋشىلاردىڭ جۇمىسىنىڭ ءتيىستى الگوريتمى 2020 جىلعى 10 مامىرداعى باس دارىگەردىڭ تالاپتارىن ەسكەرە وتىرىپ جاسالدى، وندا مارشرۋتتىڭ سوڭعى ايالداعان ورنىندا اۆتوبۋستاردى دەزينفەكسيالاۋ، جولاۋشىلاردى تەك ماسكامەن كىرگىزۋ، جولاۋشىلاردى وتىرعىزۋ كەزىندەگى كەم دەگەندە 1 مەتر قاشىقتىقتى ساقتاۋ مىندەتتەلەدى.
جۇرگىزۋشىلەر ۋاقىتىلى قولعاپ پەن مەديسينالىق ماسكالاردى اۋىستىرىپ وتىرۋ ءۇشىن وسى زاتتارمەن تولىقتاي قامتاماسىز ەتىلگەن بولۋى ءتيىس.
ءوز كەزەگىندە اكىمدىكتەر جولاۋشىلار تاسىمالى سالاسىندا كوروناۆيرۋس ينفەكسياسىنىڭ تارالۋىن بولدىرماۋعا ارنالعان الگوريتمدى ساقتاۋ ءۇشىن تاسىمالداۋشىلارعا قاتىستى قاجەتتى شارالاردى قابىلداي الادى، دەپ مالىمدەدى ق ر يندۋستريا جانە ينفراقۇرىلىمدى دامىتۋ مينيسترلىگى كولىك كوميتەتى ءتوراعاسىنىڭ ورىنباسارى جانىبەك تايجانوۆ وكق-دا وتكەن بريفينگتە.
