Biyl 1 mamyrdan bastap elorda áýejaiynyń ushý-qoný jolaǵyna kúrdeli jóndeý júrgizýge bailanysty shekteýler engiziledi, dep habarlaidy Dalanews.kz.
Astana qalasynyń áýejaiyn tolyq jańǵyrtýǵa bailanysty daiyndyq jalǵasýda. Onyń sheńberinde kólik ministrligi elorda áýejaiy basshylyǵymen birlesip, otandyq jáne sheteldik áýe kompaniialardyń ókilderimen keńes ótkizdi.
"Birqatar kelissózderdiń, aýa raiy boljamynyń, áýejaidyń ártúrli ýaqyt aralyǵyndaǵy júktemesin zerdelei kele, jolaýshylar úshin týyndaityn qolaisyzdyq saldaryn azaitý maqsatynda túngi ýaqytta kúrdeli jóndeý júrgizý týraly sheshim qabyldandy. Osylaisha, 2024 jylǵy 1 mamyrdan 24 jeltoqsanǵa deiin jergilikti ýaqyt boiynsha saǵat 22:00-den 06:00-ge deiin Astana qalasynyń áýeailaǵynda áýe kemeleriniń ushyp-qonýyna shekteý qoiylady", - dep jazylǵan áýejai qyzmetiniń resmi habarlamasynda.
Áýejai ákimshiliginiń málimetinshe, bulshara áýejai usynatyn qyzmetterdiń sapasyna keri áser etpeidi. Áýejaidyń qazirgi ushý-qoný jolaǵy 20 jyldan astam ýaqyt buryn paidalanýǵa berilgen.
