Үш жаңа ақылы жол учаскесінде бір айда жарты миллионнан аса көлік жүріп өткен, деп хабарлайды dalanews.kz.
Олар жақында ғана ақылы режим енгізілген Қарағанды - Балқаш - Бурылбайтал, Бұрылбайтал - Күрті және Талдықорған - Өскемен жолдары.
Көлік ағынының ең жоғары көрсеткіші Қарағанды - Балқаш - Бұрылбайтал бағытына тиесілі. Бұл учаскеде бір айда 290 мың көлік тіркеліп, жалпы көрсеткіштің шамамен 55 пайызына жеткен. Ал Талдықорған - Өскемен бағытында 181 мың көлік жүріп өткен. Бұл жалпы көлемнің 34 пайызына жуық. Бұрылбайтал - Күрті учаскесінде алғашқы айда 58 мың көлік тіркелді.
Осылайша, үш жаңа ақылы жол учаскесі бойынша бір айдың ішінде жарты миллионнан аса көлік қатынағаны анықталды.
Айта кетейік, Қарағанды - Балқаш - Бұрылбайтал және Бұрылбайтал - Күрті учаскелерінде ақылы жүйе 10 шілдеде, ал Талдықорған - Өскемен бағытында 11 шілдеде енгізілген болатын.
