Ұлытау облысында әйел адамды асқан қатыгездікпен өлтіріп кетті, деп хабарлайды Dalanews.kz.
Оның артында төрт баласы қалды. Полиция мәліметінше, күдікті – оның 33 жастағы бірге тұратын азаматы.
Қылмыстан кейін ер адам өзіне зиян келтіруге әрекет жасап, қазір ауруханада жатыр.
«Қазіргі уақытта ол медициналық мекемеде тәулік бойы күзетпен жатыр», – деп хабарлады Ұлытау облыстық полиция департаменті.
Сот күдіктіні қамауға алуға санкциялаған. Емделіп шыққаннан кейін ол тергеу изоляторына жіберіледі.
Аталған факті бойынша қылмыстық іс қозғалды.
