Қазгидромет ауа райы болжамын жариялады, деп хабарлайды Dalanews.kz.
Елдің батысында, солтүстігі мен оңтүстігінде антициклон әсері біртіндеп әлсірейді.
"Республиканың басым бөлігінде жаңбыр мен қар жауады. Солтүстік және солтүстік-батыс өңірлерде кей жерлерде көктайғақ болуы мүмкін. Сонымен қатар, тұман түсіп, жел күшейеді", - деді синоптиктер.
Солтүстік және орталық өңірлерде ауа температурасы төмендейді: түнде термометр бағаны -3…-10 °C-қа дейін, күндіз -3…+5 °C-қа дейін төмендейді. Басқа өңірлерде айтарлықтай өзгеріс болмайды.
