Тоқаев мемхолдингілерден халыққа қайыр болмай тұрғанын айтқан.
"2007-2018 жылдар аралығында мемхолдингілерге 7 трлн теңге бөлінді. Бұл үлкен ақша. Ел оның нәтижесін көрді ме? Есеп комитеті бұларды тексере келе біраз шикілік тапты. Мемхолдингтердің құрылымы бір-бірін қайталайды, штат саны тым көп.
Бір ғана “Бәйтеректің” әкімшілік шығыны 54 млрд теңгені құраған, оның 24 млрд-ы жалақыға жұмсалған”– деген Тоқаев.
Мемлекет басшысы әзір Араб әмірлігінде жүр.
Ал "Самұрық-Қазына" қорының төрағасы Ахметжан Есімов кеше Елбасыға есеп берді.
"Былтыр қордың таза табысы 1 трлн 256 млрд-ты құрады. 922 млрд теңге көлемінде операциялық табыс таптық. Бұл белгіленген жоспардан 38 пайызға артық. Сіз берген тапсыраны асыра орындадық", – деді Есімов Елбасыға.
Ал саясаткер Мұхтар Тайжан осыншама табыс тапқан қордың мемлекетке төлейтін қаржысы тым мардымсыз" дейді.
"Былтыр 1 трлн-нан аса табыс тапқан "Самұрық-Қазына" өзінің негізгі акционері мемлекетке 190 млрд теңге аударыпты. Ел бюджетіне түсуі тиіс қаражат тым мардымсыз", – дейді саясаткер.
