Тіл тағдыры-ел тағдыры

Dalanews 19 қыр. 2023 03:44 259

 18  қыркүйек әл–Фараби атындағы ҚазҰУ заң факультетінің қылмыстық құқық, қылмыстық іс жүргізу және криминалистика кафедрасының «6В12301 Құқық қорғау органдары» білім беру - бағдарламасы бойынша «Құқық қорғау қызметі мамандығының 111 топ студенттерінің белсенді қатысуымен  ЮНЕСКО және Тұрақты даму мақсатының ТДМ 4 «Әділ сапалы білім беруді қамтамасыз» жүзеге асыру аясында «Тіл тағдыры-ел тағдыры» атты іс шара өтті.

Іс-шараның мақсаты:туған тілге деген құрмет пен  сүйіспеншілікті, сондай-ақ, өзге ұлттардың мәдениеті мен дәстүрін танып, білуге бағытталған Мемлекеттік тілді дамыту, мәртебесін көтеру, тіл тазалығын сақтау. Ана тіліне деген сүйіспеншілігін қалыптастыру.Тіл-мемлекеттің тұғырлы тірегі, халықтың рухани байлығы, өткені мен болашағының айқын көрінісі. Ана тілінің қадір-қасиетін біле білген халқымыз оны ұлттың рухына, қазына байлығына балайды. Себебі, тіл – халықтың жаны, сәні, тұтастай кескін-келбеті, ұлттық болмысы.

Адамды мұратқа жеткізетін – ана тілі мен ата дәстүрі. Біздің осындай халықтық қасиетті мұрамыз, ана тіліміз – қазақ тілі.Тіл – тәуелсіздіктің айғағы. Тіл мен егемендік егіз ұғым. Тілсіз- тәуелсіздік, егемендіксіз- тіл болмақ емес.


Тіл – тәуелсіздіктің қуатты тірегі, бірлік пен ынтымақтың жығылмас туы. Қазақ елі тәуелсіз мемлекет болып орнағалы ширек ғасырға таяу уақыт болды.Тілсіз қоғамның қандай түрі болса да өмір сүре алмақшы емес, ол тілдің өзі қоғам бар жерде ғана пайда болып, өмір сүреді. Демек, қоғамнан тыс, бөлек тіл жоқ. Тіл – қоғамның жемісі.

Ұлттың мәдениеттің гүлденуі мен адамдардың тарихи қалыптасқан тұрақты қауымдастығы ретінде ұлттың өзінің болашағы ана тілдің дамуына, оның қоғамдық қызметінің кеңеюімен тығыз байланысты. Сондықтан туған тілге деген сүйіспеншілік бала кезеңнен басталуы тиіс. Айналаңды танып білу, туған тіліңді білуден басталады.

 

Даубасова С.Ш.


әл-Фараби атындағы Қазақ ұлттық университетінің заң факультеті  қылмыстық құқық,қылмыстық іс жүргізу және криминалистика кафедрасының оқытушысы


                                                               1 курс 111 топ студенті Жеңіс Қарақат



Ұсынылған
Соңғы жаңалықтар